Yoohana 21:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Yeesso wihi us ilaabe, “Chirri an usuhi ichoowka maanti an soonokhdi jiro ꞌdoono, wahaas ati walah icho kiyahiin mele. At kaale abattiteey ateeh!”

Yoohana 21:22 Referans Kwoze

Marko 9:1

Toro wihi us iyidah, “Rume atin icheeka, gaasiinkoo maanta inta kijiro omoot ma argo, ichoowka dakhi Waakh miig khabaayi yamiit.”

Bakkaahit 2:25

Iꞌdaasenyi wihi atin khucchissaan kalday jurkhicha ichoowka a soonokhdi.

1 Koriinto 4:5

Maantaka geeddi sahaꞌddi mujjume iitaahan uurassiin ka enenyet ahukkumina. Ibeenki Kamur soonokhti suga. Ulla wihi dagsane mugꞌdi goya kijiro tuummane banay goya isoobahcha. Wihi weeli enenyet uuriis ka ꞌdoono laka a soobahcha. Waakh la ebba koolohi imale a siicha.

Bakkaahit 3:11

An dowwa soonokhda. Wihi atin khabtaan jurkhicha, uus etoo kalday laka ꞌduubiinki kalaꞌdeet atin kakhaatine.

Yaakoobo 5:7

Maantaka ꞌdooꞌd Kiriistokaaw, ꞌdooꞌdi samacchaare ateeha ichoowka Kamur a soonokhti. Saggi eti gos leh gosiiski gurnaanki haaggan bahcho isugo yeya. Us a samacchaara one ichoowka hiri oraat ichoow ki ꞌdaꞌddaboot ꞌdeyaan.

1 Koriinto 11:26

Iꞌdi tahe maambaaw atin makaateta tamhiine, atin kooba tabhuubiin tuumman, atin toro enenyet saggi Kamureen iyumuyye icheektaane, ichoowka maanti us soonokhti.

Yoohana 21:19

Yeeda Yeesso yidah mehe tusa ya, omootti Beetero yamuute, ꞌdee omoottiis ka Waakh laweynaacho. ꞌDeerka Yeesso wihi us Beetero iyidah, “Kaale, abattiteey ateeh.”

Mattaayo 24:44

ꞌDeerka atin laka toorribda giꞌde iꞌdi tahe Ínam Aadam sahaꞌddi liikamurine yamiite.

Bakkaahit 22:20

Eti runti wahanyeyyoha cheeko mehe essa ya, “Aa, Dowannoha ka a amiit!” Aamiin. Yeessohi Kamure, dowwa amiit.

Bakkaahit 22:7

Yeesso wihi us essi kallaayo, “Nabah suda! An dowwanoha ka a amiit! Ani eti tuummane yeedassi buugga kachiirane eti Waákh íyeyyeedo chiire raaho a imaala.”

Bakkaahit 1:7

Yeya, Yeesso mirise leeyamiite, weeli enenyet tuumman usu a arga, ꞌdooꞌdi goorat usú ꞌhune laka usu a arga. Jeentetiis u yaafohi harra tuumman a ooyaan. Iꞌdaas la a titaahe giꞌde! Aamiin.

Mattaayo 25:31

“Maanti Ínam Aadam herti Waakh khabaayi miigtiis leesoonokhti, kombortiisti antoote karnatoote koorronta.

Mattaayo 24:27

Iꞌdi tahe saggi ankhadhi beri kaankhado bahay ka liiarguu, Ínam Aadam laka emeettiis iꞌdaase tateeh.

Mattaayo 24:3

Geedda Yeesso Hali Geeyohi Oolif ka fiddiyo, abattitiis dagsi ka itimiyye wihi iche itidah “Waha maantoh yateehiin? Toro la mehe yateehe emeettaah ichoow ibeenki ꞌdaꞌddaboot tusa?”

Mattaayo 8:22

Iꞌdaasenyi Yeesso wihi us iyidah, “Isooraah. ꞌDooꞌdi tuume lamaaꞌdo a hili ꞌdooꞌdi tuume.”

Mattaayo 16:24

Yeesso ꞌdeerka wihi us abattitiis iyidah, “Chiꞌ etoo isooraahin ꞌdoono, awtiis a ꞌdiiꞌdo toro la massalaabatiis barbar a sookorsati a isooraaho.

Yoohana 21:21

Beetero chirri us arge ka, wihi us Yeesso worsate, “Kamur, eta la mehe layeela?”

1 'Dessaloonika 2:19

A mehe maanti Yeessohi Kamureene soonokhti ortiis ka khajjeel ommos hamaad ommos kalaꞌddi nah keeylajno a mehe? Atin menya?

Yaakoobo 5:8

Atin laka ꞌdooꞌdi samacchaare ateeha, mujjum tolossada iꞌdi tahe ibeenki Kamur soonokhti a soodowwaatee.