Yoohana 21:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Yeeda Yeesso yidah mehe tusa ya, omootti Beetero yamuute, ꞌdee omoottiis ka Waakh laweynaacho. ꞌDeerka Yeesso wihi us Beetero iyidah, “Kaale, abattiteey ateeh.”

Yoohana 21:19 Referans Kwoze

2 Beetero 1:14

A mehe a garda omootteey a soodowwaatte, saggi Yeesso Kiriistohi Kamureene itusuu.

Yoohana 21:22

Yeesso wihi us ilaabe, “Chirri an usuhi ichoowka maanti an soonokhdi jiro ꞌdoono, wahaas ati walah icho kiyahiin mele. At kaale abattiteey ateeh!”

Mattaayo 10:38

Eti tuummane massalaabatiis ikhaatine sina iumhane ani isooraahin, abattiteey ma imalin.

Fiiliffi 1:20

Wihi an weyti sugo toro la an khajjeelo intoo rucchul ka laka lakhaanyo ma isikeeno, iꞌdaasenyi toolla ichoow kol tuumman roorro laane sarteey ka Kiriisto weynaacha, jiroteey ommos omootteey eheetteey ka ba.

Yoohana 12:33

Iꞌdane yidahye, omootti us sooyamuut enenyet tusa.

Yoohana 18:32

Waha a yitaaheene, ꞌdee wihi goorat Yeesso yidahye saggi us isooyamuut miinsan labuuhicha.

Yoohana 12:26

Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.

Mattaayo 19:28

Yeesso la wihi us icho iyidah, “Rume atin icheeka, maanti Waakh walah tuumman husubnaacho, Ínam Aadam kombortiisti antoote ababto koorronti, atinhi isooraahteen laka komborohi antoote tomon ichoow lammeenye koorrommattaane, yaafoheenki Issiraayele tomon ichoow lammee anattaan.

Mattaayo 8:22

Iꞌdaasenyi Yeesso wihi us iyidah, “Isooraah. ꞌDooꞌdi tuume lamaaꞌdo a hili ꞌdooꞌdi tuume.”

Yoohana 21:18

Yeesso toro wihi us iyidah, “Rume kisoocheeka, maanti goorat at nugussahe, a sookahta, darfo gessatta, meessi at iran ꞌdoonto tuumman iratta. Iꞌdaasenyi maanti at araarrowte, dahanohaah a oogta, etoo addan la gaad kigessa, inti at iran iꞌdoonin kigeecha.”