Yoohana 21:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Koli seyyahnaatteet Yeesso toro inokhte, wihi us iyidah, “Siimon, ínam Yoohana, at rumanka a iꞌdoonta?” Beetero jeenteti Yeesso kol seyyah, “At a iꞌdoonta?” iworsatuu, fool ribowe, wihi us iyidah, “Kamur, at walah dakkhan a garatta. Saggi an kiꞌdoono la a garatta!” Yeesso wihi us iyidah “Tab giꞌde, ꞌdooꞌdeeyki iꞌdi iiyteeye goolli.”

Yoohana 21:17 Referans Kwoze

Yoohana 13:38

Yeesso wihi us ilaabe, “At rumanka jeenteteey u jirotaah a soobihissa? Rume kisoocheeka, geeddi lukki iriirin, at kol seyyahe ma igaratti tadeeh.”

Marko 14:72

Chirraas on lukki koli lammaatteet riire. ꞌDeerka Beetero yeedi Yeesso iyidah kasooꞌhele, “Geeddi lukki kol lamma iriirin, at kol seyyah, ‘Ma kigardi!’ tadeeh.” Chirraas on ilmo sookhube, ooye.

Yoohana 16:30

Toolla saggi at walah tuumman igaratti a agarra. At mali weeli enenyet geeddi us walah isooidaahan laka a garatta. Jeentetaas u, saggi at Waakh ikatimiy a rummeysanna.”

Bakkaahit 2:23

ꞌDooꞌdi iche raaho a bakkicha, ꞌdee urur Kiriisto tuumman saggi an uur ichoow mali weeli enenyet ifiiricho rumanka abta. Ebba wihi us yeelo ichoow wihi an guto a israahaan.

Efeesso 4:30

Rubeyti Munyeenye Waakh la akabolkhinna. Iꞌdi tahe Rubeyta Waakh a sumatti saggi atin ꞌdooꞌdi Waakh itahiine ichoowka ibeenki Waakh ribnaanki ꞌdaꞌddaboot atin ribo tusso.

Hilassi Ergaano 15:8

Waakkhi uurassi enenyet garti Rubeyti Munyeenye us icho siiche ka saggaas us inno laka inno isiichuu saggi us icho ikhaatte a tuse.

Yoohana 15:10

Chaꞌatin amurreteey raahtaan ꞌdoonintaaya kafiddiitaan, saggi an amurre Aabbaheey iraahe an ꞌdoonintiis ikafiddiyuu.

Yoohana 14:15

“Chirri atin iꞌdoontaan, amuri an atin siiche a raahtaan.

2 Beetero 3:1

Aalasseeyki an weyti ꞌdoono, waha toolla a khadaabeeyki lammaatteete an atin isoochiire. Khadaabbe lammache ka wihi atin ꞌhor abatteene atin kasooꞌhelcha, ꞌdee mali haaggan khabtaan.

1 Beetero 1:6

Wahaas tuumman ka weyti hamaada on. Iꞌdaasenyi toolla geeddoor sinayyohi fil ittaawenye bolokh atin ikeeno kolossoo a atin kawaaraan.

2 Koriinto 1:12

Maantaka wihi nah keeylajno a waha, wihi rubeyoheenyoki haag ichoow suujoon seley saaho rumanka cheekaan, a saggi nah munyati Waakh ka jiroti fissan harrata ka ijirre, kach ka la a saggi nah ortiin ka ijirre. Waha la kharati weeli enenyete harrata ka menye, haaggi Waakhe buure on kayeelle.

Hilassi Ergaano 1:24

ꞌDeerka Waakh wahteen, “Kamur, ati uurassi enenyet tuumman a garatta. Maantaka ꞌdooꞌda lammatiis ki at soobahsatte,

Yoohana 18:27

Beetero toro yeedaas ꞌdiiꞌde, chirraas on lukki riire.

Yoohana 18:4

Yeesso wihi tuummane usu rubeytiis iyateeh a garta gone, orcho yimiyye wihi us worsate, “Ayyo yowattaan?”

Yoohana 12:8

Miskiin kol dakkhan goytiinna kakhabtaane, iꞌdaasenyi ani kol dakkhan ma ikhabtaan.”

Mattaayo 25:40

“Karnat la wihi us ilaabo, ‘Rume atin icheeka, wihi atin ꞌdooꞌda irummeeste wohoo liikoogeynan iyeesseen, a iꞌdoo atin ani iyeesseen.’

Bakkaahit 3:19

ꞌDooꞌdi an ꞌdoono a leejaakha toro sirbi gessa. ꞌDeerka taba uurassiin tuumman ka ichoow walah tuumman ka tuum uskeel kasoonokhda.

Yoohana 21:18

Yeesso toro wihi us iyidah, “Rume kisoocheeka, maanti goorat at nugussahe, a sookahta, darfo gessatta, meessi at iran ꞌdoonto tuumman iratta. Iꞌdaasenyi maanti at araarrowte, dahanohaah a oogta, etoo addan la gaad kigessa, inti at iran iꞌdoonin kigeecha.”

Yoohana 4:16

Yeesso la wihi iyidah, “Nyaame, makhaabalaah soowahe, ꞌdee soonokho.”

Hilassi Ergaano 11:10

Waha kol seyyahe yitaaheene, ꞌdeerka toro goobi Waakh liijiite.