Yoohana 21:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Yeesso toro koli lammaatteet inokhte, wihi us iyidah, “Siimon, ínam Yoohana, at rumanka a iꞌdoonta?” Wihi us ilaabe, “Aa, Kamur, at saggi an kiꞌdoono a garatta.” Yeesso wihi us iyidah, “ꞌDooꞌdeeyki iꞌdi iiyteeye yaakhi giꞌde.”

Yoohana 21:16 Referans Kwoze

Hilassi Ergaano 20:28

Rubeyti Munyee iꞌdi ersimohi hoolaate atin kayeesse. Hoolaha la a ꞌdooꞌdi Waakh. Maantaka isyaakhicha toro la hoolahi Rubeyti Munyee dahantiin gelisse tuumman yaakhicha. Ururi Waakhe goorat Yeesso diiggiis ka Waakh igate, yaakhicha toro toorriba giꞌde.

1 Beetero 5:2

Ururi Waakhe iꞌdi woyhi Waakhenye dahantiin lagesse ersinkicho ateeha, yaakhicha. Uus wohoo atin liihosso eheynane, iꞌdaasenyi wihi atin kasoouummame a eheetti. Jeenteti ꞌdamaanki lakhaanyee la menye, jeenteti atin weyti Waakh ikafalin ꞌdoontaan a eheetti giꞌde.

1 Beetero 2:25

Iꞌdi tahe atin iꞌdi iiyti baabaa kijirto eheet. Iꞌdaasenyi toolla Ersinki rubeyohiin yaakhicho a isoonokhatteen.

Ibiraaniya 13:20

Waakkhi nebey leh Yeessohi Kamureenenye Ersinki weene iiyyaate diiggi ayyinti husube jirtuu tuumman imassanne us gooche ka omoot a kasookahche.

Yoohana 18:25

Chirra Siimonhi Beetero layadeeh intaas toollo ꞌdab dahammooti ka, ꞌdooꞌdoo wihi us worsate, “At laka abattiti etaas kichekoo mee menya?” Ulla ꞌdiiꞌde, wihi us yidah, “Mele, ani abattitiis mee.”

Yoohana 18:17

Inanti arit yuubisso la wihi iche Beetero worsatte, “Ati abattiti etaas kichekoo mee menya?” Wihi us ilaabe, “Ani abattitiis mee.”

Luuka 19:10

A mehe Ínam Aadam a yimiyye ꞌdooꞌdi baabe yowta, riba.”

Mattaayo 26:72

Ulla toro ꞌdiiꞌde, daatte, “An et ma gardi!” yidah.

Mattaayo 25:32

Ulla ꞌdooꞌdi harra tuumman ortiis ka a kulmicha enenyet seley saaha saggi ersim iiy ichoow riiyyo seley isaahuu.

Mattaayo 2:6

“‘Iꞌdaasenyi atihi ilkerengeetti Beꞌdeleheemenye boroofenhi Yuuda kijirto, ilkerengeetohi addane Yuuda ma karucchul. A mehe berri karnat intane lakadela, ki ꞌdooꞌdeeyki Issiraayel yaakhicho.’”

Bakkaahit 7:17

A mehe Heleenki komborti antoot kafiddiyo ersinkichooda yateehe, ulla issi bicchehi jiro lakaꞌhelo icho iwoya. Waakh la ilmohicho tuumman indohicho a kahiyyaaya.”

Yoohana 21:17

Koli seyyahnaatteet Yeesso toro inokhte, wihi us iyidah, “Siimon, ínam Yoohana, at rumanka a iꞌdoonta?” Beetero jeenteti Yeesso kol seyyah, “At a iꞌdoonta?” iworsatuu, fool ribowe, wihi us iyidah, “Kamur, at walah dakkhan a garatta. Saggi an kiꞌdoono la a garatta!” Yeesso wihi us iyidah “Tab giꞌde, ꞌdooꞌdeeyki iꞌdi iiyteeye goolli.”