Yoohana 21:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Yeesso toro makaate khaate, abatti idiibe, bahag laka toro iꞌdaas on yeele.

Yoohana 21:13 Referans Kwoze

Yoohana 21:9

Chirri iche bey afiche eleesse ka, seeꞌddi bolokhto bahag fuulo agarte. Makaate laka intaas a kajirte.

Hilassi Ergaano 10:41

ꞌDooꞌd tuumman mee usú arge, iꞌdaasenyi nahi goorat Waakh nah soobahsate woriis cheekno, usu leegolossanne on inkoo us sookahe agarre.

Yoohana 6:9

“Inankoo makaate chan ꞌdargaayye lakahaaggiche, ichoow bahag lamma rurrucchul khabo kalla. Iꞌdaasenyi koloo kalday laka ꞌdooꞌda ittaawe ma yaakhaan.”

Yoohana 6:11

Yeesso ꞌdeerka makaateyyo khaate, Waakh kalaꞌd ilaabe, ꞌdooꞌdi intaas fiddiyo geeddi icho ꞌdoonaan gise. Bahag laka iꞌdaas on yeele.

Yoohana 21:10

Yeesso wihi us abatti iyidah, “Bahaggi atin sookhabatteen goyaka, gaasoo sookhaata.”