Yoohana 20:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ Abattiti addan ꞌdeerka wihi iche Toomas itidah, “Nah Kamur a agarre.” Iꞌdaasenyi Toomas wihi us icho iyidah, “Sammata an gumaarreti dahanohiis kajirto an iargine, an farreey inti goorat ussumaar lakaꞌhune an igelinne, dahanteey la inti waaru ka ꞌhunan an igelin, ma rummeesdi.”

Yoohana 20:25 Referans Kwoze

Yoohana 6:30

Icho la wihi icho worsateen, “Mehe ꞌdeerka miigti Waakh tusa yeessa ꞌdee kirummeysanna? Mehe yeessa?

Marko 16:11

Chirri icho saggi Yeesso inoolyahe ichoow saggi iche iagarte daageen ka, rummeysawwaayeen.

Ibiraaniya 3:18

Toro kamalda bal, ꞌdooꞌdi Waakh idaatte, “ꞌDooꞌda ili an kanascho yombuu tuumman ma gelo,” iyidah a ayyo illeh? ꞌDooꞌdi Waakh rubeytiis daagiwwaaye menya?

Ibiraaniya 3:12

ꞌDooꞌd Kiriistokaaw taba giꞌde, uus etiinkoo kalday laka matahmiigti Waakh liirummeysanne Waakkhi jiro lakatabo khabin giꞌde.

Yoohana 21:7

Eti abatti goyaka Yeesso weyti ꞌdoono la wihi us Beetero iyidah, “Waha a Kamureenna alah.” Chirri Siimonhi Beetero layadeeh saggi wahaas Kamur iyahe daage ka, dafartiisti oroot dabar kahiite. Iꞌdi tahe kootte a bahchee. ꞌDeerka bicche goya kadihe.

Yoohana 1:41

Wihi kolooraate Andereeya yeele, Siimonhi walaaliisenye yowte, “Ki Lasubhe a ꞌhelle,” iyidah. Ulla a Kiriistohi lasugo.

Luuka 24:25

Yeesso la wihi us iyidah, “Atin eenna a ꞌdalamme, toro eenna kakhuufnaanki atin wihi tuummane ꞌdooꞌdi goorat Waákh íyeyyeedo cheeke kakhuuftaan ka uurassiin a gaꞌdaale!

Mattaayo 27:42

“ꞌDooꞌdi addan a ribe, iꞌdaasenyi isribin ma yabuuꞌd. Usu a karnati Issiraayel a? ꞌDiicha toolla massalaaba a kasooyago, ꞌdee usu a rummeysanni,” esseen.

Marko 16:13

Chiꞌiche eti us yahe kasse ka, nokhatte, ti addan icheekte, iꞌdaasenyi iche laka ma rummeysan.

Marko 16:14

Yomboka golossataani Yeesso ichehi tomon ichoow koowe isoobahe. Jeenteti icho kakhuufnaanki icho usu kakhuufaan ikhabin ichoow matahmiigti icho wori ꞌdooꞌdi inkoo us omoot kasookahe arge irummeysan u, leejaakhe.

Yoohana 20:27

ꞌDeerka wihi us Toomas iyidah, “Farraah gumaara geliche, dahanoheey la agar, dahantaah la keene, waaruheey geli. Iikamalaline saggi an omoot ikasookahe rummeyso.”