Yoohana 20:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Gelebti ibeenki oraate teebataas ka, abatti kulante. Minkoo goya iskahidde, iꞌdi tahe weynaanti Yaꞌhuude karoortaa. Iꞌdaasenyi Yeesso goycho tolossate, “Nebeytiin ma furatti,” iyidah.

Yoohana 20:19 Referans Kwoze

Yoohana 20:26

Inkoo teebatoo toro kutte ka, abatti toro minkoo goyaka kulante. Toomas laka a leejire. Afaf a hidanyahiine, iꞌdaasenyi Yeesso goycho sootolossate, wihi us iyidah, “Nebeytiin ma furatti.”

Yoohana 14:27

Nebeye atin ikataba. Nebeytaaya atin siicha. Saggi ꞌdooꞌdi harrata nebey ꞌdooꞌd isiicho mee an nebey atin isiicho. Amalalina toro la roorro akhabina.

Yoohana 20:21

Yeesso toro wihi us iyidah, “Nebeytiin ma furatti! Saggi Aabbaheey ani isooerge, iche an laka atin ierga.”

Efeesso 2:14

A mehe Kiriisto rubeytiissa nahi yaafohi Yaꞌhuude ichoow atinhi yaafohi Yaꞌhuud ieheynan ba inno isineybiche yaaftoo kalday inno kayeele. Usú moosi goorat seley inno bahcho inno isichiiyoocho jejjebché.

2 'Dessaloonika 3:16

Maantaka Kamuri nebey leh rubeytiis ba walahbaaw atin isoobaho ka, kol dakkhan nebey atin kahida. Kamur ba atin tuumman atin leejira.

Yoohana 7:13

Iꞌdaasenyi etoo kaldaye issoobahcho, runtiis kayeyyeedo ma jiro. Iꞌdi tahe ꞌdooꞌd tuumman weynaanti Yaꞌhuude karoora.

Marko 16:14

Yomboka golossataani Yeesso ichehi tomon ichoow koowe isoobahe. Jeenteti icho kakhuufnaanki icho usu kakhuufaan ikhabin ichoow matahmiigti icho wori ꞌdooꞌdi inkoo us omoot kasookahe arge irummeysan u, leejaakhe.

Bakkaahit 1:4

Buugga eti atin isoochiiro a Yoohana. Ururre Kiriistoti an ichiiro la a ti teebeenye ili Aassiya kijirto. Waakkhi toolla jiro, goorat laka jire, toro jirtuu tuumman soojiro, ichoow rubeyohi teebeenye kombortiisti antoot ortiis kijiro ba atin imaalaane nebey atin kakaalaan.

1 Koriinto 15:5

Ulla Beetero isoobahe yomboka toro ergaanoti tomon ichoow lammee isoobahe.

Yoohana 16:33

Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”

Ibiraaniya 7:2

Aburaaham la wihi tuummane us diho ka sookhaate meel tomon seley igooche, goonankoo Melkisedeek siiche. Magaha Melkisedeek layadeeh la a mehe ya, “Karnati wihi fissan yeelo.” Jeenteti us karnati Saleem iyahuu, magaha wihi addane us itoollo a mehe ya, “Karnati nebey dowo.”

Fiiliffi 1:2

Waakkhi Aabbaheene ichoow Yeesso Kiriistohi Kamureene ba atin imaalaane nebey atin kakaalaan.

Efeesso 6:23

Waakkhi Aabbaheene ichoow Yeesso Kiriistohi Kamure ba ꞌdooꞌdi Kiriisto rummeeste nebey kakaalaan. Toro icho ba ꞌdooninti atin isꞌdoontaan ichoow kakhuufnaanki atin Waakh kakhuuftaan atin siichaan.

Rooma 15:33

Waakkhi nebey tuumman leh ba atin tuumman atin leejira. Aamiin.

Yoohana 16:22

Atin ka laka iꞌdaas on tateeh. Toolla a bolokhtaane, iꞌdaasenyi toro a atin arga, atin la weyti hamaaddaane, et hamaadiin atin kakhaato la mele.

Mattaayo 18:20

Wihi tahe inti et lamma ommos et seyyahe jeenteti icho abattiteey iyahiin u kakulmeen, an goycho a kijira.”

Mattaayo 10:13

Minki atin gesseene atin martiiste, weysihaas ikataba, minki atin imartiisan la, Waakh nebey ma kakaalo.

Yoohana 21:1

Inkoo ibeennetoo kutte ka, Yeesso toro abattitiis Beyti Buurenye Tibeeriya afiche ka isoobahe. Wihi yitah la kallaayo.

Yoohana 21:14

Waha la a koli seyyahnaatteete Yeesso inkoo us omoot kasookahe, abattitiis isoobahe.

Hilassi Ergaano 1:3

Inkoo sina lakawaariche us reera a isoobahe, jitassi ittaawe ka saggi us rumanka ijiro tuse. Geeddi ibeen tomon affar icho a isoobahe, wori dakhi Waakh miinsan kaleeyyeede.

3 Yoohana 1:14

Anihi dowwanoha ka kisooꞌdaaro khajjeela afaah ꞌhela.