Yoohana 20:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Waha ka urgiite, Yeessohi intaas toollo agarte. Iꞌdaasenyi saggi us Yeesso iyahe ma kasin.

Yoohana 20:14 Referans Kwoze

Yoohana 21:4

Chirra orrahe sookorto ka, Yeesso bey afiche sootolossate, iꞌdaasenyi abatti saggi us Yeesso iyahe ma garan.

Luuka 24:16

Iꞌdaasenyi Waakh icho indo a hide, eti us yahe ma kasin.

Marko 16:9

Ibeenki oraate teebataase us omoot kasookahe ka, kolooraat Maariyati ilkerengeetti Magdaala goorat us ginna teeba kabahche isoobahe.

Mattaayo 28:9

Chirraas on Yeesso icho ꞌhele, “Waakh ba nebey atin kakaala,” iyidah. Icho la soonyaameene, luhlohiis khabteene, usu wahteen.

Yoohana 8:59

Jeenteti waha u dagah okhsatte, usu saataa. Iꞌdaasenyi Yeesso dagte, dagsi ka uranti minki Waakhe buure kabahe.

Luuka 24:31

Chirraakka reera indo lafure saggi eta Yeesso iyahe abteen. Toro chirraas on argiwwaayeen.

Marko 16:12

Waha ꞌdubicho ka, Yeesso uummankoo yeere ka ꞌdooꞌdoo lammeenye ilkerengeet khariis raaho isoobahe.

Luuka 4:30

Iꞌdaasenyi urur goya iskaguꞌdde katabe.