Yoohana 20:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Baryoti boorane ibeenki oraate teebataas ka, Maariyati ilkerengeetti Magdaala goꞌddi Yeesso lakahawwaale ijedde, saggi daddaab meel afiche liikabahche agarte.

Yoohana 20:1 Referans Kwoze

Marko 16:9

Ibeenki oraate teebataase us omoot kasookahe ka, kolooraat Maariyati ilkerengeetti Magdaala goorat us ginna teeba kabahche isoobahe.

Mattaayo 27:60

Goꞌddoo daddaabeete husube us isikhute goya kareeche. Daddaabtoo buure la goꞌd afiche iꞌdembeleeliye, katabe.

Marko 15:46

Yuussuf dafartoo soogate, sar Yeesso massalaaba kasooyagche, dafartaas kaayyuube. Goꞌddoo daddaab ka lakhute hawwaal lakayeele goya kareeche, daddaabtoo buure ꞌdembeleeliye hawwaal afiche gesse.

Yoohana 20:26

Inkoo teebatoo toro kutte ka, abatti toro minkoo goyaka kulante. Toomas laka a leejire. Afaf a hidanyahiine, iꞌdaasenyi Yeesso goycho sootolossate, wihi us iyidah, “Nebeytiin ma furatti.”

Yoohana 19:25

ꞌDooꞌdi massalaaba Yeesso hagga toolle a abartiis ichoow iingotiis ichoow Maariyati makhaabál Kiiliyoobaase ichoow Maariyati ilkerengeetti Magdaala.

Bakkaahit 1:10

Ibeenki Kamur ka Rubeyti Waakh iwoyte, ꞌdubeey ka hooyoo buurenye iꞌdi arabi laafuufee daage.

Mattaayo 27:64

ꞌDeerka amur bihiche, goꞌddi lakahawwaale a layaakhicho, ichoowka ibeenki seyyahnaatteet a yitaahe. Uus abattitiis iranne sartiis hatine, ꞌdee ꞌdooꞌd ‘Yeesso omoot a kasookahe,’ idowinee. Chiꞌche iꞌdaas yeesse, ekkeysihicheki toolla, koo Yeesso laka a kuta.”

1 Koriinto 16:2

Teeba tuumman ibeenki oraat etiimba chilimme geeddi Waakh siiche, gaasoo meel a gesso, ꞌdee maanti an amiit chilimme addane labaayicho ba mele.

Hilassi Ergaano 20:7

Ibeenki oraate teebataas ka isinimiy, ꞌdee gololi Kamure isleenahame, toro omoot Yeesso kasooꞌhellaa. Baawulo ꞌdooꞌd Yeedi Waakh icheeke ichoowka ibeen ekka seley kagowe, iꞌdi tahe usuhi ibeenki kaas sooraaho kaho ꞌdoonaa.

Mattaayo 27:56

Goycho ka a Maariyati ilkerengeetti Magdaala, ichoow Maariyati Yaakoobo ichoow Yuussuf desse ichoow abar yeele Sebedaayo.

Mattaayo 27:66

ꞌDeerka irteene daddaabti goꞌd lakoote wohoo usu lafure lakaabti kadagcheene, iskarti yaakhisso la ibahcheen.

Mattaayo 28:1

Inkoo Seeri Lanaso kute, baryoti ibeenki oraate teebataas ka, Maariyati ilkerengeetti Magdaala ichoow Maariyati addan irteene, goꞌddi Yeesso lakahawwaale sooyeyeen.

Mattaayo 28:2

Harra weyti sesseehte, a mehe hertoo Kamur goobi Waakhe katimiyye goꞌd iratte, daddaab ꞌdembeleeliite, daddaab sarche koorrommatte.

Yoohana 11:38

Yeesso toro weyti rubeye uskulaatte, hawwaassi goꞌdenye daddaabtoo buure af lakorche hagga irte.

Yoohana 11:41

Daddaab hawwaal afiche lakabahche. Yeesso ꞌdeerka serey yeye, wihi us yidah, “Aabba, jeenteti at ani idaagtuu, kalaꞌde kisoolaaba.