Yoohana 2:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Iꞌdaasenyi minka Waakhe buurenye Yeesso woriis kayeyyeedo a sartiissa.

Yoohana 2:21 Referans Kwoze

1 Koriinto 6:19

Atin saggi sartiin iꞌdi minki Rubeyti Munyeenye Waakh atin siiche goya fiddiito itahe ma garattaan a? Atin kiin menye, atin a ki Waakh alah.

1 Koriinto 3:16

Saggi atin rubeytiin minki Waakhe buure itahiine Rubeyti Waakh rubeyohiin goya ifiddiito kasooꞌhela.

Ibiraaniya 8:2

Ulla hili kuhaanihi weene Meessi Lagan ka Waakh ikahila. Meessa la a eemati rummaate Waakh lakawahti, weeli enenyet menye, Kamuri Waakhe rubeytiis dise.

Kolossaay 2:9

A mehe tuunki Waakh sarti enenyete Kiriisto kayaal.

Kolossaay 1:19

Iꞌdi tahe wihi Waakh kahamaadiche, a buuhiiski tuum weeliis goya fiddiyo,

2 Koriinto 6:16

Minki Waakhe buure ichoow iyookkoyyo saggoh isidaagaan? A mehe inno a minki Waakhe buurenye Waakkhi jiro. Iꞌdi Waakh yidah u, “An goychooda furda, goycho kaassohda. An Waakkhichooda ateehe, icho la ꞌdooꞌdaaya yateehiin.”

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

Yoohana 2:22

Inkoo Waakh usu omoot kasookahche ka, abattitiis wihi us ꞌhor kayeyyeede kasooꞌhesse. Abatti ꞌdeerka Chiirnaanneti Waakh ichoow wihi Yeesso yidah ba rummeysatte.