Yoohana 2:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Yeesso ichoow abattitiis laka oroosaas a liiwahe.

Yoohana 2:2 Referans Kwoze

Kolossaay 3:17

Walahbaaw atin yeessaan ka, harrabiin ommos wihi atin haaggissaan eheetteey ka ba, jeenteti atin koo Yeessohi Kamure itahiin iyeela, toro la Yeesso ka Waakkhi Aabbaheene kalaꞌd ilaaba.

1 Koriinto 7:39

Makhaabale geeddi makhaabaliche on jiro, makhaabaliche ma katabto. Iꞌdaasenyi chirri makhaabaliche buje, chiꞌiche ꞌdoonto a geeddi eti iche ꞌdoonto disti. Iꞌdaasenyi eta ki Kamur rummeeste on a eheetti.

Ibiraaniya 13:4

Enenyet tuumman mindischo a inkaanyito. Makhaabal ichoow makhaabál ba la uus icho etoo addan leeurꞌdin. Iꞌdi tahe Waakh ꞌdooꞌdi iꞌdaase ichoow ki sohoꞌddarri kaassohti rumanka a hukkuma.

1 Koriinto 10:31

ꞌDeerka golossatteey ommos wohoo danteey ka ba, ommos walahbaaw at yeesso ka, waha tuumman saggoo Waakh liikoolicho iyeel.

Mattaayo 25:45

“Ulla ꞌdeerka wihi us ilaabo, ‘Rume atin icheeka, chirri atin ꞌdooꞌdeeykaar wohoo liikoogeynan gargaariwwaayteen, a iꞌdoo atin ani igargaariwwaayteen.’

Mattaayo 25:40

“Karnat la wihi us ilaabo, ‘Rume atin icheeka, wihi atin ꞌdooꞌda irummeeste wohoo liikoogeynan iyeesseen, a iꞌdoo atin ani iyeesseen.’

Mattaayo 12:19

Us ma jaakho ommos ma rirriiro, et jitat ka hooyiis daago mele.

Bakkaahit 3:20

An kalla! Ani min khariissa toolla, atin waha. Chiꞌ etoo hooyeey daage, min isoogesse, an a soogela, lammateenyo isleegolossanna.

Yoohana 2:3

Inkoo farsoti sabiib ꞌdooꞌd kaguute ka, abar Yeesso usu itimiyye, “Farsoti sabiib a guute,” itidah.

Yoohana 2:12

ꞌDaꞌddaboka Yeesso abartiis ichoow walaalinyetiis ichoow abattitiis khabaayi ilkerengeetti Kafarnaaꞌhum ikhubte, intaas ibeennetoo fiddiye.

Yoohana 2:17

Abattitiis waha chiiran kasooꞌhesse, “Kamuraaw, ꞌdooninti an minkaah ꞌdoono, weyti buurtahe ichoowka a ikhaatta laka.”

Yoohana 2:22

Inkoo Waakh usu omoot kasookahche ka, abattitiis wihi us ꞌhor kayeyyeede kasooꞌhesse. Abatti ꞌdeerka Chiirnaanneti Waakh ichoow wihi Yeesso yidah ba rummeysatte.

Yoohana 3:22

ꞌDaꞌddaboka, Yeesso abattitiis khabaayi boroofenhi Yaꞌhuudiya ankiiskoo irte, geeddoor leefiddiye, toro la enenyet laka baattissiye.

Yoohana 4:2

Rumanka la Yeesso rubeytiis enenyet ma baattissiyine, iꞌdaasenyi abattitiissa enenyet baattissite.

Yoohana 4:8

Abattitiis la ilkerengeete iratte golole soogattaa.

Yoohana 4:33

Abatti ꞌdeerka wihi iche isitidah, “Etoo sarka golol ikeene?”

Yoohana 6:8

Andereeyahi ullaka abatti Yeesseenye, Siimonhi Beetero layadeeh leedesse, sooyeede wihi us yidah,

Yoohana 6:12

Chirri icho tuumman dargeen ka, Yeesso wihi us abattitiis iyidah, “Gololi laajjebche lasoowaache soosuuna, uus inno wohoo rucchul laka baabiinne.”

Yoohana 6:16

Chirri il gelebnowe ka, abattitiis beyti Gaalilaaya ikhubatte.

Yoohana 6:60

ꞌDooꞌdi ittaawenye Yeesso raaho waha daage wihi us yidah, “Yeeda weyti miigyahe. Ayyo nabah isuda?”

Yoohana 6:66

Uus chirraas la, ꞌdooꞌdi ittaawenye Yeesso raaho Yeesso adah kakhabte, ma raahin.

Yoohana 6:67

Yeesso abattitiisti tomon ichoow lammee wihi us worsate, “Atin laka atinhi adah ikakhabattaane ꞌdoontaan?”

Yoohana 6:70

Yeesso ꞌdeerka wihi us ilaabe, “Ani menya atinha tomon ichoow lammee atin soobahsade? Iꞌdaasenyi goytiin ka, etoo a ki Seytaan!”

Yoohana 6:71

Eti us woriis kaayyeedo la a Yuuda Iskaariyoot. Yuuda la a ínam Siimon Iskaariyoot. Iꞌdi tahe Yuuda, chirri us abatti Yeessoti tomon ichoow lammee goya kajiro laka, usu berri Yeesso ꞌdub goocha.

Yoohana 7:3

Walaalinye Yeesso wihi iche Yeesso itidah, “Inta katabe boroofenhi Yaꞌhuudiya iro, ꞌdee abattitaah laka wihi ittaawenye weeli enenyet yeelin iubaaꞌdane at yeesso a agarto.

Hilassi Ergaano 11:26

Chirri us Saawulo ꞌhele ka, sookhaate ilkerengeetti Antiyookhiya keene. Barnaba ichoow Saawulo guꞌhoo tuumman urur Kiriisto isꞌheleene, toro la ꞌdooꞌdi ittaawe wori Waakh mujjum abcheen. Ilkerengeetti Antiyookhiya iche abatti kolooraat ꞌdooꞌd Kiriisto lakiidah.

Hilassi Ergaano 11:29

Abatti ebba gargaar geeddi us yabuuꞌd ꞌdooꞌdi Kiriisto rummeeste ili Yaꞌhuudiya ibihin gooche.