Yoohana 2:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ ꞌDeerka ewweenki yaafohi Yaꞌhuud wihi us Yeesso worsate, “Wahanyeyyohi miigti Waakh tuso at nah tusso ꞌdee saggi rumanka Waakh antohi at waha kayeesse kisiiche iagarro a mehe?”

Yoohana 2:18 Referans Kwoze

Yoohana 6:30

Icho la wihi icho worsateen, “Mehe ꞌdeerka miigti Waakh tusa yeessa ꞌdee kirummeysanna? Mehe yeessa?

Hilassi Ergaano 5:28

“Nah goorat a katirriinsanne, amur atin ibihinne, uus atin magahi reenkaas ichoow yeediis enenyet abin. Iꞌdaasenyi wori Yeesso miinsan ilkerengeetti weene Yeerusaleem tuumman a kataaꞌhisseene, toro diiggiis nahe nah korin ꞌdoontaan.”

Hilassi Ergaano 4:7

Beetero ichoow Yoohana orcho a lakeeno yidaaheene, ꞌdeerka waha wowworsateen, “Miig eyya ommos antohi magah eyya waha kayeesseen?”

Yoohana 1:25

wihi iche worsatte, “Chirri at Ki Lasubhe ieheynane ommos at eti meel Eliiya gele ieheynane ommos at eti Waákh íyeyyeedo inno sugno ieheynan, a iꞌdohe ꞌdooꞌd ibaattissita?”

Luuka 11:29

Geedda urur buuraati Yeesso wihi us yidah, “ꞌDooꞌdi iꞌdee a ꞌdooꞌdi uskeel leh! Icho wahanyeyyohi miigti Waakh tuso daahaan. Iꞌdaasenyi wihi goorat Waakh Yoona ka enenyet tuse on menye, walah addane lasiicho mele.

Marko 8:11

Farissaayotoo timiyye Yeesso leeiriirte usu angey gelin ꞌdoontaa, wahanyeyyohoo miigti Waakh tuso goobi Waakh kayimiy daahte.

Mattaayo 21:23

Yeesso uranti minki Waakhe buure gele, geedda us ayti Waakh enenyet abcho, kuhaaniyyohi wewween ichoow ewweenki Yaꞌhuud ba Yeesso iyimaateen. Wihi icho worsateen, “Antohi at wahanyeyyoha kahaaggisso a weheeyya? Antoha la ayyo kisiiche?”

Yoohana 1:19

Maanti weynaanti yaafohi Yaꞌhuude ilkerengeetti weene Yeerusaleem taal, kuhaaniyyo ichoow ꞌdooꞌdoo goob Laaweenye kuhaaniyyo gargaaro Yoohana ieregte, eti us yahe iche worsatte.