Yoohana 2:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² ꞌDaꞌddaboka Yeesso abartiis ichoow walaalinyetiis ichoow abattitiis khabaayi ilkerengeetti Kafarnaaꞌhum ikhubte, intaas ibeennetoo fiddiye.

Yoohana 2:12 Referans Kwoze

Mattaayo 12:46

Yeesso urur leeyyeedaayi, abartiis ichoow walaalinyetiis ba usu leeyeedin ꞌdoonaane, khar tolossateen.

Galaatiya 1:19

Ergaanoti addan koo an arge mele, Yaakoobohi Yeessohi Kamure walaaliise kaldaye on menye.

1 Koriinto 9:5

Nah iꞌdi ergaanoti addan u ichoow iꞌdi walaalinye Kamureen ichoow Keefas illeh u, deyyehoteenyoti too Kiriisteenye nah walhisso ma muꞌdan a?

Marko 6:3

Eta tagaanki khoꞌdoomme diso menya? Maariya abartiis menya? Yaakoobo ichoow Yuuda, ichoow Yoosse, ichoow Siimon menya leedesse? Waha la albehi leedesse menya inno leejiro?” ꞌDooꞌd la usu kahollowe.

Mattaayo 4:13

Ilkerengeetti Naasaret katabe, ilkerengeetti Kafarnaaꞌhume beyti Gaalilaaya aficheenye ili yaaf Seebulon ichoow Naaftalee irte furte.

Yoohana 6:17

Intaas ka kooban goya gesse bey aficheki ꞌdiri imaahte, ilkerengeetti Kafarnaaꞌhume isohtaanee. Sohtaani, il ibeennowe. Yeesso la uliba abatti ma isoonokhan.

Mattaayo 11:23

Atinhi ilkerengeetti Kafarnaaꞌhum taalliin la kol serey atin liiokkhicho koogtahiin? Mele, meessi ꞌdooꞌdi tuume kijiro iche ikhubattaan. Chirri wihi ittaawenye weeli enenyet yeelin iubaaꞌdane an goytiin ka yeele ilkerengeetohi Soodom lakayeele, ilkerengeettaas kootte uliba laka a jirta on.

Yoohana 2:2

Yeesso ichoow abattitiis laka oroosaas a liiwahe.

Yoohana 4:46

Yeesso toro ilkerengeetti Kaana boroofenhi Gaalilaaya kajirto us bicche kuurgiyiche farsoti sabiib kayeele inokhte. Ilkerengeetti Kafarnaaꞌhum ka la, etoo sirgaal ka weene inankiis weyti khannanyahe a jira.