Yoohana 2:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Ibeenki seyyahnaatteet ka, oroosoo ilkerengeetti Kaana boroofenhi Gaalilaaya kajirto ka lagele. Abar Yeesso la intaas a kajirte.

Yoohana 2:1 Referans Kwoze

Yoohana 4:46

Yeesso toro ilkerengeetti Kaana boroofenhi Gaalilaaya kajirto us bicche kuurgiyiche farsoti sabiib kayeele inokhte. Ilkerengeetti Kafarnaaꞌhum ka la, etoo sirgaal ka weene inankiis weyti khannanyahe a jira.

Yoohana 21:2

Abatti Yeessoti isleejirte a Siimonhi Beetero layadeeh ichoow Toomashi magahiiski addan Manꞌdáan layadeeh ichoow Naꞌdaanayelhi boroofenhi Gaalilaaya ka ilkerengeetti Kaana kayimiy ichoow yeele Sebedaayo ichoow abattitoo addane lammee.

Yoohana 1:43

Ibeenki kaas sooraaho ka, Yeesso usuhi boroofenhi Gaalilaaya irti gooche. Fiilif ꞌhele wihi us iyidah, “Kaale abattiteey ateeh.”

Mattaayo 12:46

Yeesso urur leeyyeedaayi, abartiis ichoow walaalinyetiis ba usu leeyeedin ꞌdoonaane, khar tolossateen.

Yoohana 1:29

Ibeenki kaas sooraaho ka, Yoohanahi Enenyet Baattissiyo Yeessohi soosohti arge. Yoohana la wihi us yidah, “Yeya, Heleenki Waakhe uskeeli ꞌdooꞌdi harrata bahcho kalla.

Ibiraaniya 13:4

Enenyet tuumman mindischo a inkaanyito. Makhaabal ichoow makhaabál ba la uus icho etoo addan leeurꞌdin. Iꞌdi tahe Waakh ꞌdooꞌdi iꞌdaase ichoow ki sohoꞌddarri kaassohti rumanka a hukkuma.

Yoohana 1:35

Ibeenki kaas sooraaho, Yoohana abattitiistoo lammee khabaayi toro intaase toolla.

Yoohana 2:11

Waha a wahanyeyyohi oraate miigti Waakh tuso Yeesso ilkerengeetti Kaana boroofenhi Gaalilaaya kajirto ka haaggiche. ꞌDeerka weynaantiis ꞌdooꞌd isoobabbakkaahiche, abattitiis la usu kakhuufte.