Yoohana 19:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Uus kuhaaniyyohi wewween ichoow iskarti minki Waakhe buure yaakhisso Yeesso agarte ka, riirte, “Massalaaba kakaah! Massalaaba kakaah!” tidah. Iꞌdaasenyi Bilaato wihi us ilaabe, “Atin khaata massalaaba kakaaha. Ani ka walah lakacheekti an argo mele.”

Yoohana 19:6 Referans Kwoze

Yoohana 18:31

Bilaato la wihi us iyidah, “Atin rubeytiin khaata, amurretiin ka hukkuma.” Weynaanti Yaꞌhuud la ꞌdiiꞌdde wihi iche tidah, “Nah antohi nah etoo kalday laka omoot ikagoonno ma khabno.”

Yoohana 19:4

Bilaato toro koloo addan urur isoobahe, wihi us iyidah, “Yeya, kharane isoobahcha atin ikeena, ꞌdee saggi wohoo rucchule lakahukkumo an ikaargin agartaan.”

Hilassi Ergaano 7:52

Eti Waákh íyeyyeedo aacchinyetiin sina iomhin a jira? ꞌDooꞌdi emeetti Eti Fissan cheeke laka a bakkisseen. Atin la usu ꞌdub a goosseene toro la dubunuunu tigaaseen.

Hilassi Ergaano 2:23

Waakh saggi goorat us igooche us ꞌhor igartuu, Yeesso dahanohiin a soogesse. Atin la gargaari ꞌdooꞌdi uskeel leh ka usu massalaaba kakaahteene tigaaseen.

Yoohana 19:15

Iꞌdaasenyi riireene, “Agiis, agiis! Massalaaba kakaah,” yidaaheen. Bilaato toro wihi us worsate, “Anihi karnatiin massalaaba kakaaho ꞌdoontaan?” Kuhaaniyyohi wewween wihi icho ilaabeen, “Kaaysar on menye, karnat addane nah khabno mele.”

Luuka 23:4

Bilaato la wihi us kuhaaniyyohi wewween ichoow urur ba iyidah, “An eta walah lakacheekti an argo mele.”

Mattaayo 27:24

Chirri Bilaato saggi us wohoo iyeeline iꞌdaasenyi urur weyti iuskulaate il ibaabiicho arge ka, bicche on khaate, urur ortiis ka dahano dikhte. Wihi us yidah, “An eta wohoo rucchul laka iyeelin diiggiis ma gelo, khaata iꞌdi atin tadeehiin daha.”

Mattaayo 27:22

Bilaato wihi us worsate, “ꞌDeerka Yeessohi Ki Lasubhe layadeeh iꞌdoh idaahe?” Icho tuumman la wihi icho ilaabeen, “Massalaaba kakaah.”

Mattaayo 26:58

Iꞌdaasenyi Beetero fogaka Yeesso ꞌdubiis sooraahe, ichoowka uranti kuhaanihi weyti ween goya gele. Uus uram goya gele ka, irte, iskarti meel yaakhisso leeorronte, wihi Yeesso layeelo suge.

Yoohana 18:3

Yuuda ꞌdeerka iskartoo Rooma ichoow rabittoo minki Waakhe buure yuubisso soowoyaayi yimiyye, gos goya soogele. Kuhaaniyyohi wewween ichoow Farissaayo ꞌdooꞌdaas sooergaté. ꞌDooꞌd la bir ichoow oorassoo khoro bolkho ichoow taa laka a khabe.

Yoohana 18:38

Bilaato la wihi us worsate, “Yeedi rummaat a mehe?” Bilaato toro ꞌdooꞌdi Yaꞌhuud ibahe wihi us iyidah, “An eta walah lakacheekti an argo mele.