Yoohana 19:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Chirri Yeesso ꞌduubi kudaheet ichoow dafarti muggee khabaayi khar isoobahe ka, Bilaato wihi us ꞌdooꞌd iyidah, “Et kalla!”

Yoohana 19:5 Referans Kwoze

Yoohana 19:2

Iskare la ꞌduuboo kudaheet iskayuubte matah Yeesso korisse, dafartoo muggee laka iꞌdi karnat u gelisse.

Ibiraaniya 12:2

Taba, kol tuumman Yeesso a kamalanni giꞌde. Usú orey inno woye, Waakh kakhuufne, toro uliba laka inno woya, Waakh tuum kakhuufna. Ulla jeenteti hamaadi sugo u, lakhaanyoti eti massalaaba lakakaaho taham a igarrahsate. Ulla toolla goobi Waakh ka komborti Waakhe antoot ankicheki miigeete fiddiya.

Yoohana 1:29

Ibeenki kaas sooraaho ka, Yoohanahi Enenyet Baattissiyo Yeessohi soosohti arge. Yoohana la wihi us yidah, “Yeya, Heleenki Waakhe uskeeli ꞌdooꞌdi harrata bahcho kalla.

Mattaayo 27:29

ꞌDuuboo kudaheet iskayuubte matah korisse, wussoo dahantiisti miigeet gelisse, ortiis ka jilbo il kaguꞌdubte kachaaratte, “Karnati Yaꞌhuudoow, jiroti deer ꞌhel!” idowte.