Yoohana 19:30 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁰ Chirri us farsota surrukhe ka Yeesso wihi us yidah, “Walah tuumman a massateen.” Wahaas ka matah soolugꞌde, rubey gooche.

Yoohana 19:30 Referans Kwoze

Yoohana 17:4

Hili goorat at dahanoheey soogelisse an massiche ka, harrata ka an a kiweynaache.

Fiiliffi 2:8

Usu a isnuglaache. Saggoh u? Ayti Waakhe raahe, ichoowka omoote ititahye, omoottaas, a ti usu massalaaba lakakaahe.

Ibiraaniya 12:2

Taba, kol tuumman Yeesso a kamalanni giꞌde. Usú orey inno woye, Waakh kakhuufne, toro uliba laka inno woya, Waakh tuum kakhuufna. Ulla jeenteti hamaadi sugo u, lakhaanyoti eti massalaaba lakakaaho taham a igarrahsate. Ulla toolla goobi Waakh ka komborti Waakhe antoot ankicheki miigeete fiddiya.

Yoohana 10:11

“Ani a ersinki haaggan. Ersinki haaggan la jeenteti us iiytiis iribo on u, jirotiis a bahcha.

Luuka 23:46

Yeesso la hooyi buure ka riire, wihi us yidah, “Aabba, rubeyteey dahantaahha soogessa!” Chuꞌus yeeda massiche ka massate.

Rooma 10:4

Kiriisto jiti amurre Muusa laraaho ꞌdee enenyet ꞌdooꞌdi fiffissan lakayeelo a massiche, ꞌdee eti tuummane Kiriisto rummeeste, Waakh eti fissan iekkaacha.

Yoohana 19:28

Yeesso chirraakka saggi wihi goorat yateeh tuumman iyitaaheen garte. Ulla saggi us wihi Chiirnaanneti Waakh tadeeh ibuuhichuu, wihi us yidah, “An a subgaade.”

Marko 15:37

Yeesso weyti riire, rubey gooche.

Yoohana 10:18

Et jiroteey ikabahcho mele, iꞌdaasenyi ani on iꞌdaanu bahcha. Antohi an jiroteey kabahcho a khaba, toro antohi an isikasoolaabo a khaba. Amura Aabbahaaya kaꞌhele.”

Yoohana 4:34

Yeesso la wihi us iyidah, “Wihi uur iꞌdoono iꞌdi gololeeye a mehe ya, a anihi wihi Waakkhi isooerge ꞌdoono yeelo, toro la hili goorat us dahanteey soogesse massicho.

Mattaayo 20:28

Saggaas on u, Ínam Aadam ma imaatane ꞌdee enenyet usu ma ifalo, iꞌdaasenyi a yimiyye ꞌdee us ꞌdooꞌd ifala, rubeytiis diiba, ꞌdee enenyeti ittaawe mogti uskeelicho iguta.”

Mattaayo 27:50

Yeesso inkoo us toro hooyi buure ka riire ka rubey gooche.

Ibiraaniya 9:22

Rumanka amurre Muusa ka la, walah buurticho diig on dikha. Sammata diig ikhuban la, Waakh enenyet uskeel ma ikakuto.

Rooma 3:25

Waakh Yeesso enenyet ortiis ka soorriyo kayeele, ꞌdee diig Kiriisto ka holiiski us inno ikhabe laaba. Chirri etoo saggi Yeesso soorriyoti Waakh iyahe kakhuufe, uskeeliis a liikakuta. Waakh la Yeesso soorriyo kayeele, saggi us iffissanyahe tusa. Waakh la iꞌdane yeele a mehe us a samacchaare, ꞌdooꞌdi orey uskeel yeele sirbi ma gelin.

Mattaayo 3:15

Iꞌdaasenyi Yeesso wihi us ilaabe, “Toolla iꞌda on a titaahe. A mujjum chiꞌinno iꞌda yeello, ꞌdee mali fissane Waakh buuhinno.” Yoohana ꞌdeerka wihi Yeesso iyidah ayyiche, baattissiye.

1 Koriinto 5:7

Taba saggi booddati makaate fuurisso liibahchuu, atin laka uskeel tuum goytiin kabahcha, ꞌdee ꞌdooꞌdi husub ateeha. Atin rumanka a iꞌdi makaateti booddataas fuurisso ikhabin. Iꞌdi tahe Kiriistohi heleenkeenki Baasakkee a lasoorriyooche.

Luuka 22:37

A mehe wihi chiiran, ‘Usu ꞌdooꞌdi Waakh daagiwwaaye goya lagate.’ Wihi an atin iadeeh la, waha ani liikabuuhicha. Aa, wihi ani imiinsane chiiran inti lakabuuhicho a eleelaan.”