Yoohana 19:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Bilaato la amuri baawatoo lachiiro, massalaaba Yeesso sarche lakalooꞌdicho bahche. Wihi lakachiire la a mehe ya, Yeessohi Ilkerengeetti Naasaret, Karnati Yaꞌhuud.

Yoohana 19:19 Referans Kwoze

Mattaayo 27:37

Matakkiis sartiis la, wihi lakayigisye lakachiire lagesse a mehe ya, Waha a Yeesso, Karnati Yaꞌhuud.

Luuka 23:38

Matakkiis sartiis la wihi lakachiire a mehe ya, Waha a Karnati Yaꞌhuud.

Marko 15:26

Wihi lakayigisye, massalaaba sarche lakachiire la a mehe ya, Karnati Yaꞌhuud.

Yoohana 19:14

Sahaꞌd tomon ichoow lammati chirdeereet, Ibeenki Latannabti daawti Baasakka orchee, Bilaato wihi us ꞌdooꞌdi Yaꞌhuud iyidah, “Karnatiin kalla!”

Hilassi Ergaano 3:6

Beetero ꞌdeerka et iiyeyye, “Walah chilimenye an khabo mele, iꞌdaasenyi wihi an khabo kisiicha. Antohi magah Yeesso Kiriistohi Naasaret ka, kahe soho!”

Yoohana 19:21

Kuhaaniyyohi wewween la wihi icho Bilaato iyidaaheen, “ ‘Karnati Yaꞌhuud’ akachiirine, iꞌdaasenyi eta, ‘An a karnati Yaꞌhuud,’ iche isyadeeh, kachiir.”

Yoohana 19:12

Chirri Bilaato waha daage ka, jiti us Yeesso kafuro yowte. Iꞌdaasenyi weynaanti Yaꞌhuud riirte wihi iche tidah, “Chirri at eta soofurte, at aali karnati ili Rooma mee! Eti tuummane karnat iskawaho karnati ili Rooma tirrima.”

Yoohana 19:3

Iskare isoononnokhatte, “Karnati Yaꞌhuudoow, jiroti deer ꞌhel,” idoddowte, toro la fodoorre jajjahte.

Yoohana 18:33

Bilaato ꞌdeerka minki buurenye gaafana goya inokhte, Yeesso wahe wihi us worsate, “Karnati Yaꞌhuud a ati?”

Yoohana 1:49

Naꞌdaanayel wihi us yidah, “Eti weenoow! Ati Weeli Waakhe. Ati a karnati Issiraayel.”

Hilassi Ergaano 26:9

“Ani rubeyteey laka wihi an tissibe, wihi an abuuꞌd tuummane yeele, antohi magah Yeessohi Naasarete tirrimaa.

Mattaayo 2:23

ilkerengeettoo Naasaret layadeeh furte. Iꞌdaas ka wihi goorat ꞌdooꞌdi Waákh íyeyyeedo ka lacheeke labuuhiche, “Usu berri eti Naasarete layadeeh.”

Luuka 18:37

Wihi icho usu iyidaaheen, “Yeessohi ilkerengeetti Naasarete kuta.”