Yoohana 19:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Chirri Bilaato yeeda daage ka, Yeesso khaate, khar ibahche, inti ꞌdooꞌd lakahukkumo, “Orotti dagaheet,” layadeeh keene. Magaha afi Ibiraaniya ka la Gabaaꞌda layadeeh.

Yoohana 19:13 Referans Kwoze

Mattaayo 27:19

Bilaato komborti enenyet lakahukkumo kafiddiyaayi, makhaabassiis farniin isooeregte, “Etaas uskeeloo iyeelin wohoo rucchul laka ayeeline, diiggiis agelin. Iꞌdi tahe ibeenkate issilloteey ka jeentetiis u weyti sina a ikawaartee,” itidah.

Hilassi Ergaano 4:19

Iꞌdaasenyi Beetero ichoow Yoohana la wihi icho ilaabeen, “Bal wihi Waakh nah kaꞌdoono isigoocha, nahi aytiin raahno bal nahi ayti Waakh raahno.

Yoohana 19:8

Chirri Bilaato saggi Yeesso Weeli Waakh isikawahe daage ka, geeddi kootteet ꞌdirihiis roorro gesse.

Luuka 12:5

Iꞌdaasenyi eti atin karoortaan a atin tusa. Ki inkoo us sar yigis antohi us meessi ꞌdabi armaanjireen kalugꞌdo khabo karoora. Aa a atin iadeehe, taba usu karoora.

Yoohana 5:2

Ilkerengeetti Yeerusaleem ka, meessi, “Aritti iiyyaat,” layadeeh hagga ka, geꞌdintoo gaayim chan khabto a jirta. Afi Ibiraaniya ka magahiche, “Bessaaꞌda,” iche layadeeh.

Yoohana 19:17

Yeesso massalaabatiis siꞌdaayi bahe. Meessoo Meessi Lafohi Matahe Enenyet layadeeh irte. Meessa la afi Ibiraaniya ka a Golgooꞌda.

Yoohana 19:20

ꞌDooꞌdi ittaawenye Yaꞌhuud la chiirnaannetaas soome, iꞌdi tahe meessi Yeesso massalaaba lakakaahe, ilkerengeet ma kadeer. Wihi baawa kachiiran la afi Ibiraaniya ichoow afi ꞌDeylaan ichoow afi Giriige lakachiire.