Yoohana 19:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Yeesso wihi us ilaabe, “Waakh on anto kisiiche menye, at anto at ikakhabto mele. Maantaka eti dahanohaah igesse, uskeeli us khabo kaah laka a kuta.”

Yoohana 19:11 Referans Kwoze

Rooma 13:1

Taba, weynaanti sirgaal afiche akutina. A mehe weynaanti Waakh soobahche on menye, too addan ma jirto. Weynaanti jirto la Waakhe intaas gesse.

Yoohana 3:27

Yoohana waha ka wihi us ilaabe, “Wihi Waakh soomure on menye, walah eti iꞌdee kayateeh mele.

Hilassi Ergaano 2:23

Waakh saggi goorat us igooche us ꞌhor igartuu, Yeesso dahanohiin a soogesse. Atin la gargaari ꞌdooꞌdi uskeel leh ka usu massalaaba kakaahteene tigaaseen.

Hilassi Ergaano 3:13

Waakh Aburaaham ichoow Isakh ichoow Yaakoobo ichoow Waakh aacchinyeteenna Yeessohi falfatiise weynaache. Atin la Yeesso dahanohi chiiyeet gelisseene layigis. Chirri Bilaato soofurin gooche laka, atin Bilaato ortiis ka us keenyo menye tidaaheen.

Yoohana 7:30

Waha ka ꞌdooꞌd Yeesso khaban leheete, iꞌdaasenyi et usu khabte mele. Iꞌdi tahe ibeenki liichiire lakhabti, uliba a ankhanyahe.

Yaakoobo 1:17

Siinti tuummane haaggane toro la eloo rucchul laka ikhabin, sereye katamiite toro la Waakkhi Aabbaheenenye banayhi saraat tuumman soouume iche katamiit. Banayhaas a geeddi icho urgiyaane mugꞌdi yateehiin. Iꞌdaasenyi Waakh iꞌdaaru laka ma urgiyo.

Mattaayo 6:13

Kajmeti uskeel nah kaluguꞌddo nah kajeyiche, iꞌdaasenyi Seytaanki uskeel leh nah karib!’

Yaakoobo 4:17

Maantaka eti tuummane haaggi imale us yeelo garti toro iyeelin, uskeele yeela.

Rooma 11:36

A mehe Waakh a uumacchoti walah tuummane, usu on ka walah tuumman lasoouume toro la walah tuumman usu liisoouume. Jirtuu tuumman usu a lakoolicho. Aamiin.

Hilassi Ergaano 4:28

Wihi sooyateehe at ꞌdoonintaah ichoow miigtaah ka orey goosse yeeleen.

Mattaayo 27:2

Hidhideene, khaateene, Bilaatohi gaafanee dahan gesseen.

Marko 14:44

Eta Yeesso ꞌdub goocho la mehe urur iskakhabeen ya, “Eti ꞌdee an dongade, a usu, khabda khaata iskar a toorribto.”

Yoohana 18:3

Yuuda ꞌdeerka iskartoo Rooma ichoow rabittoo minki Waakhe buure yuubisso soowoyaayi yimiyye, gos goya soogele. Kuhaaniyyohi wewween ichoow Farissaayo ꞌdooꞌdaas sooergaté. ꞌDooꞌd la bir ichoow oorassoo khoro bolkho ichoow taa laka a khabe.

Yoohana 9:41

Yeesso wihi us ilaabe, “Chirri kootte atin indo laatahiin, uskeel atin khabtaan mele. Iꞌdaasenyi toolla atin ‘il a agarra,’ elattaan, waha saggi atin uliba uskeel ikajirtaane tusaan.”

Luuka 22:53

Maan tuumman ani uranti minki Waakhe buure ka a atin leejire, atin la ma ikhaban. Iꞌdaasenyi waha a sahaꞌddiinna, a sahaꞌddi Seytaanki karnati mugꞌdee atin anti.”

Mattaayo 26:65

ꞌDeerka kuhaanihi weyti ween hol on ka gaaddiis kharradiche wihi us yidah, “Wihi us yidah ka a gafe! A iꞌdoh ꞌdooꞌdoo addane gar laabo iyowanna? Yeya, toolla saggi us igafe a daagteen.

Yoohana 18:13

koloo etoo magahiis Aanas layadeeh ikeeneen. Aanas la a seyyoh Kayaafahi guꞌhaas ka kuhaanihi weyti ween eheet.

Yoohana 19:10

Bilaato la wihi us Yeesso iyidah, “At ani ma ileeyyeeddo? Saggi an antohi an kaafuro ikhabo ommos antohi an massalaaba kaakaaho ikhabo ma kasso?”