Yoohana 18:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Waha la a yadeehe, ꞌdee wihi us ꞌhor yidah buuhicha. Wihi us ꞌhor yidah la a mehe ya, “Aabbahaaw ꞌdooꞌdi at dahanteey soogelisse koo kalday laka ma ikabaabiin.”

Yoohana 18:9 Referans Kwoze

Yoohana 17:12

Geeddi goorat an icho leejire, magahaas at isiisse ka, a toorribe bariisde. Ki goorat baabaa liigooche on menye, kichekoo kalday laka ma baabiin, ꞌdee wihi Chiirnaanneti Waakh ka lachiire labuuhicha.

Yoohana 6:39

Eti isooerge la wihi us ꞌdoono a mehe ya, a anihi ꞌdooꞌdi us isiiche koo kalday laka ibaabiine, iꞌdaasenyi an ibeenki ꞌdaꞌddaboot ka, icho tuumman omoot kasookahcho.

Yoohana 18:8

Yeesso la wihi us ilaabe, “A atin isoocheeke, a ani rubeytaaya. Chirri atin ani iyowattaan, reera addan ꞌdiicha a irti.”