Yoohana 18:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Yeesso la wihi us ilaabe, “A atin isoocheeke, a ani rubeytaaya. Chirri atin ani iyowattaan, reera addan ꞌdiicha a irti.”

Yoohana 18:8 Referans Kwoze

1 Beetero 5:7

Us aw atin ikhaba gone, waꞌdwaaꞌdiin tuumman usu dahan gessa giꞌde.

Efeesso 5:25

Makhaaballe taba, saggi Kiriisto ururiis iꞌdoone us jirotiis icho ikasoobahchuu, atin laka oboorrihiin ꞌdoona.

2 Koriinto 12:9

Iꞌdaasenyi mehe isoolaabe ya, “Haaggeeyki buure a kiyaakha. A mehe ꞌdarritaah ka miigteey tuum a lasoobabbakkaahiche.” Maantaka an ꞌdarriteey ka weyti hamaad ka eylaja, ꞌdee miig Kiriisto goyteey furatta.

1 Koriinto 10:13

Kajmeti uskeel atin kaluguꞌddo a ti weeli enenyet tuumman lakakajo on. Waakh la a lakakhuufa gone, us kajmeti atin lakajo geeddi atin ituddubin ꞌdirihiche a atin kajeycha. Iꞌdaasenyi chirra atin lakajo, us toro jiti atin kajmetaas kabahsattaan a atin iyeela, ꞌdee kajmetaas ka garrahsan tuddubtaan.

Yoohana 16:32

Iꞌdaasenyi maane a tamiite kola la a titah, ti atin tuumman seley baabaataane, ebba goobiis irti. Keleye ikatabtaane, iꞌdaasenyi an keley mee, iꞌdi tahe Aabbaheey a ileejira.

Yoohana 13:36

Siimonhi Beetero layadeeh wihi us Yeesso worsate, “Kamur, at intoh iratta?” Yeesso wihi us ilaabe, “Toolla inti an irdi ma ileeiratti. Iꞌdaasenyi ꞌdee yomboka a ileeiratta.”

Yoohana 13:1

Geeddi ibeenki daawti Baasakka iitaahan, Yeesso saggi ibeenki us harrata katabo, us Aabbahiis iirti kola iyitah garte. Yeesso la ichoowka maanti jirotiisti harrata soomassatti laka, ꞌdooꞌdiis a ꞌdoone.

Yoohana 10:28

ꞌDooꞌdi ani isooraaho la jiroti jirtuu imassanne siicha, icho la jirtuu ma yamuutiin. Et dahanteey ikasaro mele.

Mattaayo 26:56

Iꞌdaasenyi wahanyeyyoha a yitaaheene ꞌdee wihi ꞌdooꞌdi Waákh íyeyyeedo chiire labuuhicha.” ꞌDeerka abatti tuumman usu katabte firidde.

Yoohana 18:7

Yeesso toro inokhte, worsate, “Ayyo yowattaan?” Iche la wihi iche ilaabte “Yeessohi ilkerengeetti Naasarete yowanna.”

Yoohana 18:9

Waha la a yadeehe, ꞌdee wihi us ꞌhor yidah buuhicha. Wihi us ꞌhor yidah la a mehe ya, “Aabbahaaw ꞌdooꞌdi at dahanteey soogelisse koo kalday laka ma ikabaabiin.”