Yoohana 18:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Yuuda ꞌdeerka iskartoo Rooma ichoow rabittoo minki Waakhe buure yuubisso soowoyaayi yimiyye, gos goya soogele. Kuhaaniyyohi wewween ichoow Farissaayo ꞌdooꞌdaas sooergaté. ꞌDooꞌd la bir ichoow oorassoo khoro bolkho ichoow taa laka a khabe.

Yoohana 18:3 Referans Kwoze

Yoohana 18:12

ꞌDeerka koobbinti iskarti Rooma eti iskartaas itoollo khabtaayi ichoow weynaanti Yaꞌhuud Yeesso khabteen. Hidhideene,

Hilassi Ergaano 1:16

wihi us yidah, “ꞌDooꞌd Kiriistokaaw, wihi massan Chiirnaanneti Waakhe Rubeyti Munyee Dawuud afiis leekeente, Yuudahi ꞌdooꞌdi Yeesso khabti soowoye miinsan a labuuhicha.

Yoohana 13:2

Yeesso ichoow abattitiis ba gololi gelebeete yamhiin. Seytaan la Yuuda Iskaariyoothi inam Siimone mali suujenye us Yeesso ꞌdub kagoocho orey on rubeytiis gesse.

Mattaayo 25:1

Yeesso toro wihi us yidah, “Maanti Inam Aadam soonokhti, dakhi goobi Waakh a iꞌdi albehoo tomonenye taassicho khaatte, eti min disti or kadowo.

Yoohana 7:32

Farissaayo ururi woriis kanyunnyuwo daagte. ꞌDeerka kuhaaniyyohi wewween ichoow Farissaayo ba, iskartoo Yeesso khabatti ergeen.

Yoohana 18:18

Il a roffo gone, ilbooyye ichoow iskare ba ꞌhor on ꞌdab bolkhicheene, kasookhaarteene dahambooteen. Beetero laka irte iskar leetoolossate, ꞌdabe dahambootaa.

Yoohana 18:22

Uus Yeesso waha yidah ka, etoo ullaka iskarti intaas tolossee, Yeesso fodoor guꞌdde, wihi us iyidah “Ya! Wahaas a saggoh at kuhaanihi weyti ween yeed ikalaabto?”

Yoohana 19:6

Uus kuhaaniyyohi wewween ichoow iskarti minki Waakhe buure yaakhisso Yeesso agarte ka, riirte, “Massalaaba kakaah! Massalaaba kakaah!” tidah. Iꞌdaasenyi Bilaato wihi us ilaabe, “Atin khaata massalaaba kakaaha. Ani ka walah lakacheekti an argo mele.”

Hilassi Ergaano 10:1

Ilkerengeetti Kaaysareya ka, etoo Korneeliyo layadeehe koobbintoo iskareete, iskarti ꞌDeylaan layadeeh itoollo, a jire.