Yoohana 18:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Il a roffo gone, ilbooyye ichoow iskare ba ꞌhor on ꞌdab bolkhicheene, kasookhaarteene dahambooteen. Beetero laka irte iskar leetoolossate, ꞌdabe dahambootaa.

Yoohana 18:18 Referans Kwoze

Marko 14:54

Beetero la fogaka Yeesso sooraahe ichoowka uranti kuhaanihi weyti ween fiddiyo goya gele. Intaakka iskarti meel yaakhisso koorronte ꞌdab dahammoote.

Yoohana 18:25

Chirra Siimonhi Beetero layadeeh intaas toollo ꞌdab dahammooti ka, ꞌdooꞌdoo wihi us worsate, “At laka abattiti etaas kichekoo mee menya?” Ulla ꞌdiiꞌde, wihi us yidah, “Mele, ani abattitiis mee.”

Yoohana 21:9

Chirri iche bey afiche eleesse ka, seeꞌddi bolokhto bahag fuulo agarte. Makaate laka intaas a kajirte.

Marko 14:67

Chirri iche Beeterohi ꞌdab dahammooti agarte ka fiirisse, “At laka etaas Naasarete Yeesso layadeeh a leejirte,” tidah.

1 Koriinto 15:33

Uus ꞌdooꞌdi addan atin ekkeysan! Mammahta kasooꞌhela, “Wahalhi suuje eti sohoti haaggan khabo a kheeroochaan.”

Hilassi Ergaano 4:23

Beetero ichoow Yoohana uus lasooꞌdiiche, ꞌdooꞌdichoki addan iirteene wihi kuhaaniyyohi wewween ichoow ewweenki Yaꞌhuud kaleeyyeedde ꞌdooꞌd icheekte.

Luuka 22:44

Bolokkhi buure goyaka geeddi kootteet laka ꞌdirihiis Waakh wahte, iꞌdiꞌdi us ꞌhooricho harra kaaddibho la iꞌdi diiggi diddibho yitah.

Yoohana 18:3

Yuuda ꞌdeerka iskartoo Rooma ichoow rabittoo minki Waakhe buure yuubisso soowoyaayi yimiyye, gos goya soogele. Kuhaaniyyohi wewween ichoow Farissaayo ꞌdooꞌdaas sooergaté. ꞌDooꞌd la bir ichoow oorassoo khoro bolkho ichoow taa laka a khabe.