Yoohana 18:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² ꞌDeerka koobbinti iskarti Rooma eti iskartaas itoollo khabtaayi ichoow weynaanti Yaꞌhuud Yeesso khabteen. Hidhideene,

Yoohana 18:12 Referans Kwoze

Yoohana 18:3

Yuuda ꞌdeerka iskartoo Rooma ichoow rabittoo minki Waakhe buure yuubisso soowoyaayi yimiyye, gos goya soogele. Kuhaaniyyohi wewween ichoow Farissaayo ꞌdooꞌdaas sooergaté. ꞌDooꞌd la bir ichoow oorassoo khoro bolkho ichoow taa laka a khabe.

Mattaayo 26:57

ꞌDooꞌdi Yeesso khabte Yeesso khaate min Kayaafahi kuhaanihi weyti weene geeche. Tagaammeti amurre ichoow ewweenki Yaꞌhuud la intaase kakulme.

Hilassi Ergaano 21:37

Chirra icho Baawulo minki iskare fiddiito gelin leheet ka, Baawulo yeede, eti iskar tuumman itoollo, “Wohoo ma kisoocheeko?” worsate. Wihi us ilaabe, “At afi Giriig a daagta?

Hilassi Ergaano 21:31

Chirra urur Baawulo ogoos ꞌdoono ka, eti iskarti Rooma tuumman itoollo saggi ilkerengeetti weene Yeerusaleem tuumman kowdo kalday ititah daage.

Luuka 22:54

Icho la ꞌdeerka Yeesso khabteene, khaateene minki kuhaanihi weyti ween geecheen. Beetero fogaka ꞌdooꞌd ꞌdubiis sooraahe.

Marko 15:1

Uun il barye, kuhaaniyyohi wewween ichoow ewweenki Yaꞌhuud ichoow tagaammeti amurre ichoow Jaldaabti Weene Yaꞌhuud tuumman wihi icho Yeesso yeelaan goocheen. Yeesso hidhideene, khaateene, dahan Bilaato gesseen.

Marko 14:53

Yeesso minki kuhaanihi weyti ween geecheen. Kuhaaniyyohi wewween tuumman ichoow ewweenki Yaꞌhuud ichoow tagaammeti amurre kulmeen.

Mattaayo 27:2

Hidhideene, khaateene, Bilaatohi gaafanee dahan gesseen.

Hilassi Ergaano 23:10

Iriire weyti uskulaatte ichoowka eti iskar tuumman itoollo ichohi Baawulo seley goocho karoore. Amur bahche iskartiis ergate a iratti Baawulo ꞌdooꞌd a soosarto, a sookhaatto uranti iskareet a keento.

Mattaayo 27:27

ꞌDeerka iskar gaafana Yeesso khaatte, minki buurenye gaafana igelo geesse, rabittoo iskareet tuumman la Yeesso khaarisse.

Hilassi Ergaano 10:1

Ilkerengeetti Kaaysareya ka, etoo Korneeliyo layadeehe koobbintoo iskareete, iskarti ꞌDeylaan layadeeh itoollo, a jire.