Yoohana 17:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ “ꞌDooꞌdi at harrata ka soobahsatte at isiisse, eti at tahe a abche. ꞌDooꞌda kaahha eheete, at la ani isiisse. Icho la yeedaah a raaheen.

Yoohana 17:6 Referans Kwoze

Yoohana 17:26

Eti at tahe icho a ibabbakkaahiche, toro la oreye isohda weyti eti at tahe ibabbakkaahicha, ꞌdee ꞌdooninti at ani ikhabto goycho a kijirto, ani la goycho a kijiro.”

1 Yoohana 5:20

Wihi inno garanni Weeli Waakh a yimiyye, miigti inno wahanyeyyohi Waakh kaabanni inno siiche, ꞌdee saggi Waakh rum iyahe abanna. Toolla la inno ichoow Waakkhi rummaat a wohoo kaldaye, inno ichoow Yeesso Kiriistohi Weeliise laka a wohoo kalday. Us a Waakkhi rummaate, toro a jiroti jirtuu imassan.

Yoohana 6:37

“Eti tuummane Aabbaheey dahanteey soogesso ani iyamiit. Anna eti tuummane ani iyimiy jirtuu ma riho.

Yoohana 17:24

“Aabbahaaw, at icho ani a isiisse. An la ichohi inti an kajiro icho laka kajiraane, ꞌdeeka weynaanti ati isiisse argaan iche ꞌdoona. Weynaantaas la a ti at isiisse jeenteti at ani geeddi harra liisoouumin laka iꞌdoontuu.

Yoohana 17:2

Iꞌdi tahe at usu antohi us ꞌdooꞌdi harra tuumman kaanti a isiisse. Ulla ꞌdee ꞌdooꞌdi at kiis kayeesse tuumman, jiroti jirtuu imassan siicha.

2 Koriinto 4:6

Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.

Yoohana 15:19

Chirri kootte atin iꞌdi ꞌdooꞌda harrata tahiin, ꞌdooꞌdaas a atin ꞌdoona, iꞌdi ꞌdooꞌdichuu. Atin ꞌdooꞌdi harrata menye, iꞌdaasenyi an a atin soobahsade. Jeentetaase ꞌdooꞌdi harrata atin iꞌdiiꞌda.

Bakkaahit 3:8

Wihi atin haaggisaan tuumman a garda. Yeya ani ortiin ka afaf a atin ifure, etoo kalday laka ma hido. Saggi atin miigtoo rucchul on ikhabtaan a garda, iꞌdaasenyi atin yeedeey a raahteene, toro la magaheey ma ꞌdiiꞌdin.

Ibiraaniya 3:6

Iꞌdaasenyi Kiriisto weeli lakakhuufo hili minki Waakh tuumman itoollo eheet. Chirri inno burꞌde ikhabine, khajjeeli inno Kiriisto kakhabno keeylajno la, inno a minkiissa.

Yoohana 15:7

Chirri atin goyteey fiddiitaane, yeedeey la goytiin fiddiyo, wihi atin ꞌdoontaan tuumman Aabbaheey a daahtaane, ulla atin siicha.

Bakkaahit 2:13

Inti atin fiddiitaan a garda, a inti Seytaan kombortiisti antoot kakhabo. Iꞌdaasenyi atin uliba rum ka a ikhucchissaan. Maanti eteeyki lakakhuufo Antiiba layadeeh ilkerengeettiinti ween ka inti Seytaan fiddiyo lakayigis laka, atin saggi atin ikakhuuftaan ma ꞌdiiꞌdin. Usu rum ka garteey a laabe.

Ibiraaniya 2:12

Ulla wihi us Waakh iyidah, “An ꞌdooꞌdi uureeye wihi at yeesse a icheeka, chirri icho kulmaane weestaan la, an a kikoolicha.”

2 Timooti 1:13

Kakhuufnaanki at Kiriisto kakhuufto ichoow ꞌdooninti at ꞌdooꞌdi addan ꞌdoonto ka, wor Yeesso ki rummaate at ikadaagte mujjum jurkhi, a mehe ati ichoow Yeesso Kiriisto ba a wohoo kalday.

Kolossaay 3:16

Walah tuumman ka wori Kiriisto miinsan mujjum nabah isuda, jirotiin ka tuum raaha. Khara tuumman ka, wora isabcha, toro la wora on ka issoohossa. Sabuuri Yeedi Waakh goya kayimiy ichoow geeyohi Waakh lakasaaꞌdo ichoow geeyohi Rubeyti Munyee atin siisso, Waakh idowa. Kol dakkhan Waakh kalaꞌd ilaaba, geeyo idowa. Geeddaas tuumman la rubeyohiin ka Waakh kalaꞌd ilaaba.

Rooma 11:2

Waakh rumanka sag us ꞌdooꞌdiiski goorat usu on uumaccho ka garte iꞌdiiꞌde mele gon. Atin laka rumanka Chiirnaanneti Waakh goyaka maanti eti Waákh íyeyyeedo Eliiya layadeeh Waakh hawwaaste us yaafohi Issiraayel wihi ittaawe kacheekte a garattaan. Eliiya wihi us yidah a mehe ya,

Hilassi Ergaano 13:48

ꞌDooꞌdi yaafohi Yaꞌhuud ieheynan chirri icho yeedaas daageen ka weyti hamaadeene, Yeedi Kamur inkaanyiteen. Eti tuummane Waakh soobahsate ꞌdee jiroti jirtuu imassan ꞌhelo la Yeesso rummeeste.

Yoohana 18:9

Waha la a yadeehe, ꞌdee wihi us ꞌhor yidah buuhicha. Wihi us ꞌhor yidah la a mehe ya, “Aabbahaaw ꞌdooꞌdi at dahanteey soogelisse koo kalday laka ma ikabaabiin.”

Yoohana 17:16

Iꞌdi an laka ꞌdooꞌdi harrata kichokoo ieheynan u, icho laka ki harrata mee.

Yoohana 17:14

An woraah a siiche, ꞌdooꞌdi wahanyeyyohi harratane sussuuje raaho la icho a ꞌdiiꞌde. Iꞌdi tahe icho ki harrata mee, iꞌdi an laka ki harrata ieheynan u.

Yoohana 15:3

Atin la ꞌhor on wihi an atin abche ka, atin mujjummooche.

Yoohana 12:28

Aabba, magahaah weynaay!” Hooyoo ꞌdeerka serey ka sooyeede, mehe yidah ya, “Magaheey a weynaache, toro la a inokhda weynaacha.”

Yoohana 6:39

Eti isooerge la wihi us ꞌdoono a mehe ya, a anihi ꞌdooꞌdi us isiiche koo kalday laka ibaabiine, iꞌdaasenyi an ibeenki ꞌdaꞌddaboot ka, icho tuumman omoot kasookahcho.

Yoohana 1:18

Et injire Waákh arge mele. Iꞌdaasenyi Weeliiski kaldaye ullaka Waakhenye Aabbaheen garabiis kijiro, eti Waakh yahe a inno isoobabbakkaahiche.

1 Beetero 1:1

Khadaaba eti atin isoochiiro, a ani Beeterohi ergaano Yeesso Kiriistee. ꞌDooꞌdi an isoochiiro la a ꞌdooꞌdi Waakh soobahsate, harrata ka iꞌdi ꞌdooꞌdi yeelan ijiro, boroofenhi Boontus ichoow ki Galaatiya ichoow ki Kabadookiya ichoow ki Aassiya ichoow ki Biꞌduuniya tuumman kataasan.

Yoohana 8:51

Rume atin icheeka, eti tuummane wihi an abcho raaho, jirtuu ma yamuut.”

Yoohana 8:52

Jeenteti waha u, ꞌdooꞌdi Yaꞌhuud wihi us yidah, “Ya! Toolla saggi rumanka ginna kidakhatti a abanne. Aburaaham a yumuyye, ꞌdooꞌdi tuummane Waákh íyeyyeedo laka a tuume. Iꞌdaasenyi at mehe elatta ya, eti tuummane wihi at abisso raaho jirtuu ma yamuut.

Yoohana 17:7

Icho la toolla saggi wihi tuummane at isiisse ati ikaayimaateen a gartaan.

Yoohana 17:12

Geeddi goorat an icho leejire, magahaas at isiisse ka, a toorribe bariisde. Ki goorat baabaa liigooche on menye, kichekoo kalday laka ma baabiin, ꞌdee wihi Chiirnaanneti Waakh ka lachiire labuuhicha.

Bakkaahit 3:10

Atin amureey a raahteene garrahsatteen gone, maanti sinayyohi khar kayamiit ꞌdooꞌdi harra yaal tuumman isoobahaane ꞌdee kajaan, an a atin toorriba.