Yoohana 17:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Maantaka Aabbahaaw, weynaanti an geeddi at harra isoouumin kileekhabe ortaah ka iweynaay.

Yoohana 17:5 Referans Kwoze

1 Beetero 1:20

Geeddi harra liisoouumin on usu lasoobahche, iꞌdaasenyi iroonotiin u ibeenneta ꞌdaꞌddaboote lasoobabbakkaahiche.

Yoohana 10:30

Ani ichoow Aabbaheey a koo kalday.”

Fiiliffi 2:6

Us sagag dakkhan ka iꞌdi Waakhe eheete, eheetteey laka us wihi usu muꞌdane Waakh ekkatiis kayeelo ma kadagin.

Ibiraaniya 1:10

Wihi addane Waakh weeliis iyidah, “Kamuroow, uumaccho ka harra tuumman a soouunte, dahanohaah ka la serey soouunte.

Ibiraaniya 1:3

Weela Waakh la weynaanti Waakkhi ababo tusa, ulla toro a fooli Waakh. Ulla yeediiski miig leh ka wihi tuummane jiro khuccha. Ulla a yumuyye, ꞌdee usu rubeytiis jiti uskeeli weeli enenyet lakadikho yitah. Inkoo us wahaas yeele ka, goobi Waakh ka Waakkhi Weyti Ween ankiiski miigeet orronte.

Yoohana 17:24

“Aabbahaaw, at icho ani a isiisse. An la ichohi inti an kajiro icho laka kajiraane, ꞌdeeka weynaanti ati isiisse argaan iche ꞌdoona. Weynaantaas la a ti at isiisse jeenteti at ani geeddi harra liisoouumin laka iꞌdoontuu.

Yoohana 8:58

Yeesso wihi us ilaabe, “Rume atin icheeka, geeddi Aburaaham ijirin laka an a jira on.”

Yoohana 1:18

Et injire Waákh arge mele. Iꞌdaasenyi Weeliiski kaldaye ullaka Waakhenye Aabbaheen garabiis kijiro, eti Waakh yahe a inno isoobabbakkaahiche.

Yoohana 14:9

Yeesso wihi us ilaabe, “Fiilif, geeddi deere atin tuumman atin leejire, toro ichoow uliba at ma iaban ba? Eti tuummane ani iarge, Aabbaheey a arge. A iꞌdohe toro, ‘Aabbahaah nah tus,’ ielatta?

Mattaayo 25:34

“Karnat ꞌdeerka wihi us ꞌdooꞌdi ankiiski miigeet toollo iyadeeh, ‘Kaaleya, atinhi Aabbaheey atin imaale, goobi Waakhe atin liiabbire, uus harra lasoouume atin muꞌdantahiin gela.

Yoohana 3:13

Ínam Aadamhi goobi Waakh kasookhubte on menye, et addane injire goobi Waakh ikore mele.

Bakkaahit 3:21

Eti tuummane sooricho, antohi ullaka komborteeyti antoot ikaleeorronti siicha, saggaas ani laka isooriche komborti antoot Aabbaheey ikaleeorronduu.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

1 Yoohana 1:2

Eta la a nah isoobahe, nah usu a agarre, runti usu miinsane cheekna. Toro la eta jiroti jirtuu imassan khabo, goorat Aabbahiis leejire nah isoobahe iche atin isoocheekna.

Yoohana 17:1

Inkoo Yeesso waha yidah ka, serey yeye, Waakh wahte, wihi us yidah, “Aabba, ibeen a yitah. Weelaah weynaay, ꞌdee Weelaah a kiweynaacho.

1 Beetero 1:21

Usu ka atin Waakkhi usu omoot kasookahche toro la weynaache a rummeysatteene, ꞌdee Waakh on kakhuuftaane, toro la usu on khajjeel kakhabtaan.