Yoohana 17:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ “Aabbaheeyki fissan, chirri ꞌdooꞌdi harrata kigaran laka, an a kigarda, ꞌdooꞌda la saggi at ani isooeregte a garta.

Yoohana 17:25 Referans Kwoze

Yoohana 17:11

An kola harra ma kasoojiro, iꞌdaasenyi icho uliba harra kajiraan. Aabbaheeyki munyee, miigti magahaahki at isiisse ka, magahaas ka bariiso, ꞌdee iꞌdi ani ichoow ati ba wohoo kalday inahuu, icho tuumman wohoo kalday a yitaaheen.

Yoohana 17:8

Wori at isiisse iche anna icho siiche, icho la rummeesteen. Icho la saggi an rumanka ati ikaaimiy a gartaane, toro saggi at ani isooeregte laka a rummeestaan.

Yoohana 15:21

Waha tuumman la jeenteti atin keey itahiin u, a atin layeela. Iꞌdi tahe icho eti ani isooergate ma gartaan.

Yoohana 7:29

Iꞌdaasenyi an usu a garda, iꞌdi tahe an usu kiimiyye, usu la isooergate.”

Yoohana 16:27

Jeenteti atin ani iꞌdoontaane toro saggi an Waakh ikiimiy irummeysatteen u Aabbaheey a atin ꞌdoona.

Ibiraaniya 8:11

Et kola ollokkiis walah abcho, ommos walaaliis, ‘Kamur abo,’ idowo mele. Iꞌdi tahe icho tuumman, ki ween ichoow ki nugul ba a igartaanee.

2 Koriinto 4:4

Seytaanki waakkhi harratee malassi ꞌdooꞌdi Kiriisto irummeysan a hide, ꞌdee banayhi Wori Haaggan ma argaan. Banayha la a Wori Haaggane Kiriistohi weynaan leh.

Yoohana 10:15

Saggi Aabbaheey ani igarti, iche ani laka Aabbaheey igarda. Anna jeenteti iiyteey u jiroteey a bahcha.

Yoohana 8:55

Atin injire usu ma garanne, anna usu a garda. Chirri ani, ‘An usu ma gardi,’ an atin iidah, annaka iꞌdiin u eti been lehe ateeh. Iꞌdaasenyi an usu a garda, yeediis la a raaha.

Luuka 10:22

“Aabbaheey walah dakkhan dahantaaya soogesse. Aabbahaaya on menye et rumanka eti Weeliis yahe garti mele. Toro la Weeliis ichoow ꞌdooꞌdi Weeliis ibabbakkaahin ꞌdoono on menye, et rumanka eti Aabbaheey yahe garti mele.”

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

1 Yoohana 1:9

Chirri inno uskeeleen Waakh icheekanne, usu a lakakhuufa toro wihi rummaat on yeela, uskeeleen a inno ikakuta toro la khollookh tuumman inno kadikha.

2 'Dessaloonika 1:8

Ulla eti tuummane Waakh igaranne toro la Wori Haaggane Yeessohi Kamureene miinsan daagin ꞌdiiꞌde, sirbi gessa.

1 Koriinto 15:34

Waha mujjum kamalda, uskeeliin la ꞌdiicha. Weyti lakhaanyo menya maanta chirri an saggi gaasiinkoo uliba Waakh ma aban eldi?

1 Koriinto 1:21

Iꞌdi tahe Waakh kharatiis ka wihi us gooche, ꞌdooꞌdi harrata kharaticho on ka Waakh ma abti. Wihi Waakh kahamaadicho a chirri jiti ꞌdalammoon liikhaato Wori Haaggane lacheeko ka, us ꞌdooꞌdi woraas rummeeste ribo.

Rooma 3:26

Toro la Waakh iꞌdane yeele saggi us weyꞌda laka ifissanyahe tusa. Iꞌdaas ka us a fissanyahe toro la eti tuummane Yeesso kakhuufe eti fissane iekkaacha.

Rooma 3:11

Etoo kaldache kharee ma jiro, etoo kaldaye Waákh yowti ma jiro.

Rooma 1:28

Toro la jeenteti icho Waakh garan iꞌdiiꞌdeen u, Waakh icho a ꞌdiiche, uskeeli nool kamassaan. Suujoonki nool on kamassaane, jeentetaas u wihi kootte ikamaline yeelaan.

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

Hilassi Ergaano 17:23

Wihi tahe, geedda an ilkerengeettiin goya dah kagooche, an wahanyeyyohi atin wahattaan mujjum fiiriche, chalagtoo hoola lakasoorriyoocho waha kachiiranyahiine ꞌhele, Waakkhi Liigaran. Kaas chirri atin igaran laka atin wahattaan, iche toolla atin isoocheeka.

Yoohana 17:23

Ani ichoow icho ba a wohoo kaldaye, ati ichoow ani ba la a wohoo kalday. Icho ba tuum wohoo kalday yateehiine, ꞌdee ꞌdooꞌdi harrata saggi at ani isooeregte abta, toro la enenyet waha abta, geeddi at iꞌdoonto, geeddaase icho laka ꞌdoonta.

Yoohana 17:21

Aabba, a iweesda, ꞌdee icho tuumman wohoo kalday yateehiin, saggi ati ichoow ani wohoo kalday inahe, toro la ani ichoow ati wohoo kalday inahuu. Aabba, a iweesda ꞌdee icho ichoow inno ba wohoo kalday nateehe ꞌdee ꞌdooꞌdi harrata saggi at ani isooeregte rummeesta.

Yoohana 17:18

Saggi goorat at ani ꞌdooꞌdi harrata isooergatte, iche an laka icho ꞌdooꞌdi harrata iergade.

Yoohana 17:3

Enenyet la chuꞌus atihi kaldaye rumanka Waakhe kigarti, toro la Yeesso Kiriistohi at sooergatte garti, wahaas a jiroti jirtuu imassan.

Yoohana 16:30

Toolla saggi at walah tuumman igaratti a agarra. At mali weeli enenyet geeddi us walah isooidaahan laka a garatta. Jeentetaas u, saggi at Waakh ikatimiy a rummeysanna.”

Yoohana 16:3

ꞌDooꞌd la waha tuumman a atin yeela, iꞌdi tahe icho Aabbaheey ma gartaane, ani laka ma igartaan.

Yoohana 8:19

ꞌDeerka wihi icho Yeesso worsateen, “Aabbahaah meeke?” Yeesso wihi us ilaabe, “Atin ani ma igarattaane ommos Aabbaheey laka ma garattaan. Chirri kootte atin ani igarattaan, Aabbaheey laka a garattaan gon.”

Yoohana 6:19

Chirri iche geeddi kiilomitta chan ommos lih illeh kooban woyte ka, Yeessohi bicche sarcho kasoosohti kooban isoodowwaate agarte, weyti nahte.

Yoohana 3:17

A mehe Waakh Weeliis weeli enenyete us hukkumo ma isooergin. Iꞌdaasenyi a sooerge, ꞌdee weeliis ka weeli enenyet tuumman uskeeliis kariba.

Yoohana 1:18

Et injire Waákh arge mele. Iꞌdaasenyi Weeliiski kaldaye ullaka Waakhenye Aabbaheen garabiis kijiro, eti Waakh yahe a inno isoobabbakkaahiche.

Mattaayo 16:16

Siimonhi Beetero layadeeh wihi us ilaabe, “At a Ki Lasubhe, a Weeli Waakkhi jirtuu tuumman jiro.”

Mattaayo 11:27

Yeesso toro wihi us ꞌdooꞌd iyidah, “Aabbaheey walah dakkhan dahantaaya soogesse. Aabbahaaya on menye et Weeliis garti mele. Toro la Weeliis ichoow ꞌdooꞌdi Weeliis ibabbakkaahin ꞌdoono on menye, et rumanka eti Aabbaheey yahe garti mele.

Bakkaahit 16:5

ꞌDeerka herti Waakhe bicche itolosso ichehi waha elatti daage, “Atihi Munyee, ki toolla jiro, goorat tuumman laka jire, at a fissantahe jeenteti sinayyoha at ꞌdooꞌdi ati kigaran ikagoosse u.