Yoohana 17:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Ani ichoow icho ba a wohoo kaldaye, ati ichoow ani ba la a wohoo kalday. Icho ba tuum wohoo kalday yateehiine, ꞌdee ꞌdooꞌdi harrata saggi at ani isooeregte abta, toro la enenyet waha abta, geeddi at iꞌdoonto, geeddaase icho laka ꞌdoonta.

Yoohana 17:23 Referans Kwoze

Yoohana 17:21

Aabba, a iweesda, ꞌdee icho tuumman wohoo kalday yateehiin, saggi ati ichoow ani wohoo kalday inahe, toro la ani ichoow ati wohoo kalday inahuu. Aabba, a iweesda ꞌdee icho ichoow inno ba wohoo kalday nateehe ꞌdee ꞌdooꞌdi harrata saggi at ani isooeregte rummeesta.

Yoohana 16:27

Jeenteti atin ani iꞌdoontaane toro saggi an Waakh ikiimiy irummeysatteen u Aabbaheey a atin ꞌdoona.

1 Yoohana 3:1

ꞌDooninti Waakkhi Aabbaheene inno ꞌdoono eenna a buure. Waakh rubeytiis laka nyaakhutiissa inno yadeeh! Rumanka la inno a nyaakhuti Waakh! Maantaka ꞌdooꞌdi harrata ma inno garti, a mehe icho Waakkhi Aabbaheene ma gartaane.

Yoohana 13:35

Chaꞌatin isꞌdoontaan, ꞌdooꞌd tuumman saggi atin abattiteey itahiin a abta.”

1 Yoohana 1:3

Wihi nah agarre toro nah daagne, iche atin isoocheekna, ꞌdee atin ichoow nah ba kulankoo kalday khabna. Toro la Waakkhi Aabbaheene ichoow Yeesso Kiriistohi Weeliise kulankoo kaldaye leekhabna.

1 Beetero 5:10

Waakkhi haaggi buure leh, Yeesso Kiriisto ka weynaantiisti armaanjireen a atin iwahe. Inkoo geeddoor sina atin tuhum, usu rubeytiis a atin okkhicha, kakhuufnaanki atin usu kakhuuftaan miigoocha, atin toollicha toro inti wohoo atin ikaasseehin atin gessa.

Kolossaay 3:14

Haaggaas tuumman ꞌdirihicho la ꞌdooꞌdi isꞌdoono ateeha. ꞌDooninti islaꞌdoono la, ꞌdooꞌd Kiriisto tuum wohoo kaldaye kayeessa.

Yoohana 17:26

Eti at tahe icho a ibabbakkaahiche, toro la oreye isohda weyti eti at tahe ibabbakkaahicha, ꞌdee ꞌdooninti at ani ikhabto goycho a kijirto, ani la goycho a kijiro.”

Yoohana 17:24

“Aabbahaaw, at icho ani a isiisse. An la ichohi inti an kajiro icho laka kajiraane, ꞌdeeka weynaanti ati isiisse argaan iche ꞌdoona. Weynaantaas la a ti at isiisse jeenteti at ani geeddi harra liisoouumin laka iꞌdoontuu.

1 Koriinto 1:30

Iꞌdaasenyi jeenteti wihi Waakh yeeluu, atin ichoow Yeesso Kiriisto ba a wohoo kalday. Kiriisto la kharati Waakh katimiyye inno liikayeele. Kharataas ka la Kiriisto ꞌdooꞌdi fiffissane inno kayeele toro la inno munyaache toro la inno gatte, uskeel inno kasoofure.

Yoohana 14:23

Yeesso la wihi us ilaabe, “Eti tuummane iꞌdoono, wihi an abcho a raaha. Aabbaheey usu a ꞌdoona. Aabbaheey ichoow ani usu a inamiite fureenyo goytiis kayeelanna.

Yoohana 14:10

Fiilif, at saggi an Aabbaheey goytiis ifiddiyo, ulla goyteey ifiddiyo ma rummeysatti? Yeeda an eldi ani ma ikiimaatane, Aabbaheeyki goyteey fiddiyo iche waha tuumman yeela.

Kolossaay 2:2

Iꞌdane yeela, ꞌdee icho uur miigoocha, isꞌdoonaane wohoo kalday yateehiin. Toro la ichohi Wori Waakh tuum abtaane rumanka liibuuhicho iche ꞌdoona. Wora Waakhe dagsan la Kiriisto rubeytiissa miinsanyahe,

Fiiliffi 3:15

Innohi tuummane wahanyeyyohi Waakh ka iiꞌdowne, malaas khabno giꞌde. Iꞌdaasenyi, chirri gaasiinkoo maloo addane yeere khabo, Waakh wahaas a atin isoobabbakkaahicha.

Galaatiya 3:28

Kola enenyet seley ma gaan. Iꞌdi maanta Yaꞌhuud ichoow yaafohi Yaꞌhuud ieheynan, ommos bowꞌda ichoow ꞌdooꞌdi bowꞌda ieheynan, ommos mejel ichoow deyyeho seley ma gaan, a mehe atin tuumman Yeesso Kiriisto ka a wohoo kalday.

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.

Yoohana 6:56

Eti tuummane sarteey yahame diiggeey la damo, goytaaya fiddiya, anna goytiissa fiddiya.

Yoohana 3:17

A mehe Waakh Weeliis weeli enenyete us hukkumo ma isooergin. Iꞌdaasenyi a sooerge, ꞌdee weeliis ka weeli enenyet tuumman uskeeliis kariba.

1 Yoohana 4:19

Inno Waakh ichoow ꞌdooꞌdi addan a ꞌdoonna, a mehe Waakhe kolooraat inno ꞌdoonee.

Kolossaay 1:28

Nah wori Kiriisto miinsane cheekna, ebba la kharateenyo tuumman ka tootoonna, walah abinna, ꞌdee ichohi icho ichoow Kiriisto wohoo kalday yitahye iiꞌdowe Waakh ikeenna.

Yoohana 10:38

Iꞌdaasenyi chirri an wihi Aabbaheey ꞌdoono yeelo toro la atin ani irummeysan laka, wihi ittaawenye weeli enenyet yeelin iubaaꞌdan rummeesda. Iꞌda ka saggi Aabbaheey goyteey ikijiro anna goytiis ikijiro a abattaan.”

Yoohana 15:9

“Saggi Aabbaheey ani iꞌdoono, iche ani laka atin iꞌdoona. Goyteey fiddiya, ꞌdee ani a atin ꞌdoono giꞌde.

Yoohana 17:3

Enenyet la chuꞌus atihi kaldaye rumanka Waakhe kigarti, toro la Yeesso Kiriistohi at sooergatte garti, wahaas a jiroti jirtuu imassan.

Yoohana 17:8

Wori at isiisse iche anna icho siiche, icho la rummeesteen. Icho la saggi an rumanka ati ikaaimiy a gartaane, toro saggi at ani isooeregte laka a rummeestaan.

Yoohana 17:11

An kola harra ma kasoojiro, iꞌdaasenyi icho uliba harra kajiraan. Aabbaheeyki munyee, miigti magahaahki at isiisse ka, magahaas ka bariiso, ꞌdee iꞌdi ani ichoow ati ba wohoo kalday inahuu, icho tuumman wohoo kalday a yitaaheen.

Bakkaahit 3:9

Idagansada! ꞌDooꞌdi minki weysiite Seytaan dakhti a ꞌdooꞌdi Yaꞌhuud essi, iꞌdaasenyi ꞌdooꞌdi Yaꞌhuud ieheynane been goocho a jira. An ꞌdooꞌdaas a sookhaata, ortiin ka jilbo il kaguꞌddaane, toro la saggi an atin iꞌdoono abtaan.