Yoohana 17:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Weynaanti at isiisse iche icho siiche, ꞌdee icho tuumman wohoo kalday yateehiin, iꞌdi toolla ati ichoow ani ba wohoo kalday inahuu.

Yoohana 17:22 Referans Kwoze

2 Koriinto 3:18

Inno tuumman la foolasseenki liiogoogin ka, a iꞌdoo inno ababnaanki Kamur kitaab goyaka bihinno. Geedda inno bihinno la a inno luurgiyicha, samacchaar usu iokkanaanna. Ababnaanka inno ababno la Rubeyti Kamure kayamiite, kakhayma weyti buuraata.

Yoohana 14:20

Maantaas saggi ani ichoow Aabbaheey wohoo kalday inahe, atin ichoow ani wohoo kalday inahe, toro la ani ichoow atin wohoo kalday inahe a kassaan.

Yoohana 1:16

Yeesso Kiriisto tuunki haaggiiski buure ka, buuhiis a inno ikasookhakkhaye.

Efeesso 2:20

Atin a iꞌdi daddaabohi ilaate minki ergaano ichoow ꞌdooꞌdi Waákh íyeyyeedo kadisanyahiin. Tirrinki dagaheete minka la, a Yeesso Kiriisto rubeytiissa.

1 Yoohana 3:24

ꞌDooꞌdi tuummane amurretiis raaho, Waakhe leefiddiya Waakh la icho leefiddiya. Rubeyti Munyeenye Waakh inno siiche ka la, saggi us inno ileefiddiyo a garanna.

2 Koriinto 6:1

Nah a ꞌdooꞌdi Waakh hil leehaaggicho gone, a atin hawwaassanne, taba haaggi Waakhe buure wihi ilmarhaatteet iikhaatina.

2 Koriinto 5:20

Maantaka nah a ꞌdooꞌdi meel Kiriisto kijiro. Waha a iꞌdoo Waakh nah ka enenyet hawwaasti. Nah la a atin hawwaassanna iroono Kiriistuu taba keennaanki Waakh ankiis atin keeno raaha.

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

Marko 6:7

Abattitiis tomon ichoow lammacho ba isiwahe, lallamma ka ili kharaat ierge, antohi icho ginnayyo enenyet goya kabahchaan laka siiche.

1 Yoohana 1:3

Wihi nah agarre toro nah daagne, iche atin isoocheekna, ꞌdee atin ichoow nah ba kulankoo kalday khabna. Toro la Waakkhi Aabbaheene ichoow Yeesso Kiriistohi Weeliise kulankoo kaldaye leekhabna.

Hilassi Ergaano 5:41

Ergaano Jaldaabti Weene Yaꞌhuud katabte. Weyti hamaadeen a mehe jeenteti icho koo Yeesso iyahiin u sinati lakawaaricho a muꞌdanyahiin.

Yoohana 17:24

“Aabbahaaw, at icho ani a isiisse. An la ichohi inti an kajiro icho laka kajiraane, ꞌdeeka weynaanti ati isiisse argaan iche ꞌdoona. Weynaantaas la a ti at isiisse jeenteti at ani geeddi harra liisoouumin laka iꞌdoontuu.

Luuka 22:30

Atin la ꞌdee goobeey ka ileegolossattaane, komborohi antoot koorromattaane, yaafoheenki Issiraayele tomon ichoow lammee anattaan.”

Bakkaahit 21:14

Khaara daddaaboote ilkerengeetta ween kamarsan, daddaabohoo ilaate tomon ichoow lammee iche kadisanyahe. Daddaabe ba la magahi ergaanoti Heleeme tomon ichoow lammee, iche kachiiran.

Kolossaay 1:24

Toolla sinayyohi an iroonotiin u ꞌhelo ka a hamaada, toro sarteey ka wihi sinayyo Kiriisto kaankhan indigirti sartiis u a buuhicha. Sarta la a urur Kiriisto.

Fiiliffi 1:29

Ulla jeente Kiriistuu, rummeysanaanki atin usu rummeysattaan kalday menye, sinati atin taham laka a atin siiche.

Rooma 8:30

Toro la ꞌdooꞌdaas us ꞌhor saggi us iꞌdi weeliis ikayeelo gooche, wahe. ꞌDooꞌdaas us wahe la ꞌdooꞌdi fiffissan iekkaache. ꞌDooꞌdaas us ꞌdooꞌdi fiffissan iekkaache la, saggi us weynaantiis ileegismo iayyiche.

1 Yoohana 4:17

Iꞌda ka ꞌdooninti inno isꞌdoonno tuume tateehe, ꞌdee ibeenki enenyet lahukkumo ka, roorro inno khabno mele. Iꞌdi tahe harrata ka inno a iꞌdiissa.