Yoohana 17:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Jeentetichuu la, an a ismunyaacha, ꞌdee icho laka, rumanka lamunyaacha.

Yoohana 17:19 Referans Kwoze

Ibiraaniya 2:11

Yeessohi enenyet munyaacho ichoow ꞌdooꞌdi us munyaacho ba Aabbahicho a koo kaldache, a Waakh. Jeentetaas u Yeesso ma uryaawo chuꞌus ꞌdooꞌda a uuraaya yadeeh.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

Yoohana 17:17

“Runtaah ka icho munya kayeel. Yeedaah a ki rummaat.

1 Koriinto 1:2

ꞌDooꞌdi nah khadaaba isoochiirro la, a ururi Waakhe ilkerengeetti weene Koriinto kijiro. Atin a ꞌdooꞌdi Waakh rubeytiis wahe munyaache, atin ichoow Yeesso Kiriisto ba wohoo kalday atin kayeele. Toro la eti tuummane harrata ka Yeesso Kiriistohi Kamureenenye toro la icho laka Kamurichee wahti iche ichiirra.

2 Timooti 2:10

Maantaka jeenteti ꞌdooꞌdi Waakh soobahsatuu an walah tuumman a igarrahsada, ꞌdee icho laka ribnaan ichoow weynaanti jirtuu imassanne Yeesso Kiriisto lakaꞌhelo ꞌhelaan.

1 'Dessaloonika 4:7

Iꞌdi tahe Waakh jiroti biꞌdirenye lajiro ma inno iwahin. Iꞌdaasenyi a inno wahe ꞌdee jiroti munyee jirra.

2 Koriinto 8:9

Iꞌdi tahe haaggi buurenye koo Yeesso Kiriistohi Kamureene a garattaan. Chiꞌ kamurroon tuumman kiis yahe laka, jeentetiin u miskiine yitahye, ꞌdee miskiinkiis ka kamurrowtaan.

2 Koriinto 4:15

Sinayyoheeyka tuumman a iroonotiinna, ꞌdee haaggi Waakhe buurenye inno imunneynan ballaasta ꞌdooꞌdi buure eleela. Iꞌda ka Waakh a lakoolicha jeenteti ꞌdooꞌdi Waakh kalaꞌd ilaabo ibuuraatuu.

Ibiraaniya 9:26

Chirri kootte us iꞌdaas yeele la, geeddi buurenye sina lakawaaricha, uus goorat harra lasoouume. Iꞌdaasenyi toolla inno jiro ibeenneticheti yomboot kijiro la, usu maantoo kalday on yimiyye, soorriyoti jirtuu liikanokhan yitahye, ꞌdee miigti uskeel jirtuu tuumman labahcha.

Ibiraaniya 10:29

Eheet a, eti Weeli Waakh daddabho la mehe imale? Eti diiggi ayyinti Waakh gooche enenyet munyaacho wohoo biꞌdire ikhaato mehe imale? Toro la eti Rubeyti Munyeenye haaggi Waakhe buure inno siisso abaare mehe imale? Sinati eta imasse Waakh igoocho, buur ka geeddoo meheenye kakhayanta?

Ibiraaniya 9:13

Ayyinti oraat ka, kuhaani diiggi waharoot ichoow ki heerassi looyyo lasoorriyooche ichoow bombeyi urhaassi looyyo lagube ꞌdooꞌdi uskeel khabo kiirdifta. Daawohaas sartichooda dikhaane, ꞌdee biꞌdir kabahchaan.

Ibiraaniya 9:18

Saggaas on u ayyinti oraate Waakh gooche ka laka, diiggi soorriyoyyoot laantiis walah lasookhabte mele.

Yoohana 10:36

ki Aabbaheey soobahsate kiis kayeesse harrata isooerge la? A iꞌdoh ꞌdeerka chaꞌan, ‘Ani a Weeli Waakh,’ idah, a gafe ielattaan?

Yoohana 15:3

Atin la ꞌhor on wihi an atin abche ka, atin mujjummooche.

Yoohana 15:13

Wihi ꞌdooninti enenyet aalassiis weyti ꞌdoono tuso kallaayo, a ti us jirotiis jeentetichuu isoobahcho.

Yoohana 17:20

“Icho kalday ma iweesdi, ꞌdooꞌdi wori icho cheekaan ka ani irummeesti laka a iweesda.

2 Koriinto 7:14

A mehe chaꞌan ortiis ka bihin atin kaguꞌdde laka, an lakhaanyo ma argo. Saggi nah walah tuumman rum ka atin isoocheeknuu, bihinti nah Tiito ortiis ka atin kaguꞌdubne laka runtiche a atin tusne.

Kolossaay 1:6

Wora Haaggan a atin iyimiyye, ꞌdooꞌdi ittaawenye harra tuumman laka a kataaꞌha toro gurnaan dela. Waha la a wihi goytiin ka laka yitah, uus maanti kolooraat atin Wora rummaat daagteene, toro haaggi Waakhe buure runtiis tuum abatteen.

1 Yoohana 3:3

Eti tuummane khajjeela khabo miꞌdabe iskayeela, saggi Kiriisto rubeytiis miꞌdab iyahuu.

1 Yoohana 3:18

Nyaakhuteeyki an weyti ꞌdoono, uus inno yeed ommos af on ka ꞌdooꞌdi addan ꞌdoonine, wihi inno yeello ichoow wihi rummaat ka ꞌdoonno.