Yoohana 17:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Weysiheey ka wihi an kidaaho, atihi icho harrata kabihisso menye, iꞌdaasenyi a atihi Seytaanki uskeel leh kaholisso.

Yoohana 17:15 Referans Kwoze

1 Yoohana 5:18

Wihi inno garanni, ꞌdooꞌdi tuummane nyaakhuti Waakhe uskeel goya ma kaassohti. Weeli Waakhe icho toorribá, Seytaanki uskeel leh icho iꞌdoor rucchul laka ma yeelo.

2 'Dessaloonika 3:3

Iꞌdaasenyi Kamureen a lakakhuufa. Us rubeyohiin a miigoocha, toro la Seytaanki uskeel leh atin kahossa.

Galaatiya 1:4

Yeesso Kiriisto ichoow wihi Waakkheenki Aabbaheene ꞌdoono a israahaan. Iꞌda ka jeenteti uskeeleen u a issoobahche yumuyye ꞌdee ꞌdarriti uskeele weyꞌda inno kariba.

Mattaayo 6:13

Kajmeti uskeel nah kaluguꞌddo nah kajeyiche, iꞌdaasenyi Seytaanki uskeel leh nah karib!’

Luuka 11:4

Uskeeleenyo nah ikakut, iꞌdi nah laka ꞌdooꞌdi uskeel nah iyeele uskeel ikakunnuu. Toro la kajmeti uskeel nah kaluguꞌddo nah kajeyi.’ ”

2 Timooti 4:8

Toolla ꞌduubi eti enenyet sooricho ꞌhelo a isuga jeenteti an Waakh kalday on ikajiruu. Kamuri fissane enenyet mujjum hukkumo, ꞌduuba ibeenki us soonokhti a isiicha. Ani kalday ꞌduuba ma ꞌhelo, iꞌdaasenyi ꞌdooꞌdi tuummane emeettiis imoono laka a ꞌhela.

Mattaayo 5:37

Chirri at, ‘Aa,’ tidah, iꞌdaas on a eheetti. Chirri at, ‘Mele,’ tidah la, iꞌdaas on a eheetti. Wihi addane at kakhayto, ki uskeel lehe kayamiitiin.

Luuka 22:32

Iꞌdaasenyi Siimon, an a kisooweesde ꞌdee mujjum orey isohatta ani ikakhuufta. Chirri at isoonokhatte la ꞌdooꞌdi irummeeste uure miigoossa.”

1 Yoohana 5:19

Saggi inno nyaakhuti Waakh inahe a garanna. Toro la saggi Seytaanki uskeel leh wihi tuummane Waákh tirrimo idakhti a garanna.