Yoohana 17:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Geeddi goorat an icho leejire, magahaas at isiisse ka, a toorribe bariisde. Ki goorat baabaa liigooche on menye, kichekoo kalday laka ma baabiin, ꞌdee wihi Chiirnaanneti Waakh ka lachiire labuuhicha.

Yoohana 17:12 Referans Kwoze

Yoohana 18:9

Waha la a yadeehe, ꞌdee wihi us ꞌhor yidah buuhicha. Wihi us ꞌhor yidah la a mehe ya, “Aabbahaaw ꞌdooꞌdi at dahanteey soogelisse koo kalday laka ma ikabaabiin.”

Yoohana 13:18

“Wora an kaayyeedo atin tuumman mee atin miinsanyahe. ꞌDooꞌdi rumanka an soobahsade a garda. Iꞌdaasenyi Chiirnaanneti Waakhe, ‘Eti ileegolossate on toro chiiy iyitah,’ tadeeh a labuuhicha.

Yoohana 6:37

“Eti tuummane Aabbaheey dahanteey soogesso ani iyamiit. Anna eti tuummane ani iyimiy jirtuu ma riho.

1 Yoohana 2:19

ꞌDooꞌda goyteenna kabahe iꞌdaasenyi rumanka keen ma eheynan. A mehe chiꞌ rumanka goorat icho keen yahiin, a inno leefiddiyaan. Iꞌdaasenyi katabinti icho inno katabeen, saggi koo kalday laka keen ieheynane tusa.

Hilassi Ergaano 1:25

ꞌdee hila Waakhe ergaano gelo nah tus. Waha la a meessi Yuuda kabahe, ulla inti imasse irtee.”

2 'Dessaloonika 2:3

Uus etoo jitoo kalday ka laka atin ekkeysan. A mehe ibeenkaas ma yateehe ichoowka ꞌdooꞌdi buure Waakh ꞌdiiꞌda, toro la ki hugunꞌdarri kaassohti Waakh baabiicho soobaha.

Ibiraaniya 2:13

Wihi addane Yeesso yidah, “Ani Waakhe kakhuufa.” Toro la wihi us essi, “An kalla, nyaakhuti Waakh isiiche leejira.”

Yoohana 17:6

“ꞌDooꞌdi at harrata ka soobahsatte at isiisse, eti at tahe a abche. ꞌDooꞌda kaahha eheete, at la ani isiisse. Icho la yeedaah a raaheen.

Fiiliffi 2:9

Maantaka Waakh Kiriisto inti weynaan tuumman ka kussane gesse, toro la magahi magahenye tuumman kussan laka siiche,

Bakkaahit 19:12

Indohiis la iꞌdi ꞌdab u a bildiikhaane, matakkiis ka la ꞌduubassi ittaawenye khaba. Sartiis magahoo kachiirane, iꞌdaasenyi usu on garta, et addane wihi magahaas tahe garti mele.