Yoohana 16:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Maanti ꞌDooggargaartota timiy la, ꞌdooꞌdi wahanyeyyohi harratane sussuuje raaho saggi malicho baabul iyahe a tussa. Mali icho khabaane fissanoonki Waakh miinsan a baabul. Toro la wihi saggi Waakh ꞌdooꞌdi harrata ꞌdee ihukkumo miinsan a baabul.

Yoohana 16:8 Referans Kwoze

Yuuda 1:15

Ulla ꞌdooꞌd tuumman a hukkuma. ꞌDooꞌdi tuummane Waakh igaranne uskeel leh, wihi Waakh ꞌdiiꞌdo tuumman yeele ichoow yeedichoki tuummane sussuujenye Waakh miinsane icho esseen ka sina igoocha.”

Hilassi Ergaano 2:37

Enenyet uus yeedaas daage, yeed rumanka khaniine, wihi us Beetero ichoow ergaanoti addan worsate, “Yaafeey mehe yeello?”

1 Koriinto 14:24

Iꞌdaasenyi chirri atin tuumman wori Waakh kaayyeeddaane etoo Kiriisto irummeysan ommos etoo siintaas ikhabin atin isoogele, atin uskeeli us yeele a tussaane toro saggi us eti uskeel leh iyahe idowdowtaan.

Yoohana 8:9

Chirri icho waha daageen ka, icho tuumman seley tabeene, tattakkay ka irteen. Kolooraat la araarrinye iratte, ichoowka Yeesso ichoow makhaabál kalday sooꞌhadeen.

Yoohana 8:46

Ayyo goytiin ka saggi an rumanka uskeel iyeele tusa? Chirri an rum cheeko a iꞌdoh ani irummeysanna?

Yoohana 16:7

Iꞌdaasenyi rume atin icheeka, katabnaanki an atin katabo, a iroonotiinna. Iꞌdi tahe chirri an iiran, Rubeyti Munyeenye, ꞌDooggargaarto layadeeh, ma atin itamiit. Iꞌdaasenyi chirri an irde a atin isooerga.

Yoohana 16:9

Mali icho khabaane uskeel miinsan a baabul, iꞌdi tahe icho ani ma irummeysan.