Yoohana 16:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Waha la a atin isoocheeka, ꞌdee chirri maanti icho waha yeelaan yitah ka, wihi an atin iidah kasooꞌhessaan. “Waha maanti kolooraate atin abattiteey titaaheen ma atin isoocheekin. Iꞌdi tahe an a atin leejiree.

Yoohana 16:4 Referans Kwoze

Yoohana 14:29

Waha tuumman la geeddi icho iitaahane atin icheeke, ꞌdee ꞌdeerka maanti icho yateehiin rummeysattaan.

Marko 13:23

Isyaakhicha giꞌde! Walah dakkhan geeddi il ankhayyahe a atin isoocheekee.

Yoohana 13:19

“Waha geeddi icho iitaahane atin isoocheeka, ꞌdee maanti icho yitaaheen laka, saggi an eti an ahe, an atin isoocheeke iahe rummeysattaan.

Mattaayo 9:15

Yeesso wihi us ilaabe, “ꞌDooꞌdi mindischo yimiy ma ooyo geeddi eti min disti intaas kijiro menya? Maane a tamiit ti ꞌdooꞌd eti min disti lakakhaato, ꞌdeerka ꞌdooꞌd af hiiti.”

Marko 2:19

Yeesso wihi us ilaabe, “ꞌDooꞌdi mindischo yimiy af ma hiiti geeddi eti min disti intaas kijiro, menya? Geeddi eti min disti on leejiro af ma hiitaan.

Mattaayo 24:25

Yeya, geeddi il ankhayyahe waha a atin isoocheekee.

2 Beetero 1:14

A mehe a garda omootteey a soodowwaatte, saggi Yeesso Kiriistohi Kamureene itusuu.

Hilassi Ergaano 9:16

Anna sinati usu latuso jeenteti us keey iyahuu iche tusa.”

Mattaayo 10:7

Geedda atin ꞌdussaan la wora cheeka, wihi atin tadeehiin la, ‘Dakhi goobi Waakh kola a soodowwaate.’

Luuka 1:2

Wihi icho chiireen a wihi ꞌdooꞌdi uuꞌ maanti kolooraate waha yitaaheen arge nah isoocheeke. Icho la hili Waakhe icho haaggicheen, a ki wori Waakh ꞌdooꞌd liicheeko.

2 'Dessaloonika 2:5

Maanti an atin leejire, an waha a atin isoocheeke. Ma kasooꞌhessaan a?