Yoohana 16:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ “Wihi tuummane an atin isoocheeke, jiti mammaheete atin ikasoocheeke. Iꞌdaasenyi ibeen a yateeh, ki an mammah ikayeyyeedine, an wihi Aabbaheey miinsan jiti atin kaabattaan ka an atin isoocheeko.

Yoohana 16:25 Referans Kwoze

Yoohana 16:12

“Wihi buurenye an atin isoocheeko a jiraane, iꞌdaasenyi toolla a atin kahulees.

Yoohana 10:6

Yeesso ꞌdooꞌd hawweesa icheeke, iꞌdaasenyi ꞌdooꞌd wihi hawweesa miinsanyahe ma aban.

Marko 4:13

Yeesso ꞌdeerka wihi us icho iyidah, “Chirri atin mammahta wihi iche tahe igaran, sag ꞌdeerka atin mammahohi addan wihicho iabattaan mele gon.

2 Koriinto 4:2

Wihi dagsane lakhaanyo keeno a ꞌdiiꞌdne. Nah la enenyet ma ekkeysanni, Yeedi Waakh ma baabullo. Nah runti Yeedi Waakh on babbakkaahinna. Waakh ortiis ka, eti tuummane rubeytiis haag ichoow suujoon seley saahto, haaggi fiddiheenyo a tusna.

Yoohana 16:2

Minassi weysiite Yaꞌhuud ka a atin lariha. Ibeen la a yamiit, ki eti atin yagiis tuumman, kol us wihi us yeelo ka Waakh gargaaro koogyahe.

Marko 4:34

Enenyet mammah on menye, wohoo addan walah ma kaabin. Iꞌdaasenyi maanti icho keley yahiin, abattitiis mammahohaas wihi icho yahiin a icheeke.

Marko 8:32

Yeeda weyti ibabbakkaahiche, Beetero la usu ꞌdol geeche leejaakhe.

Yoohana 10:24

Weynaantoo Yaꞌhuud Yeesso khaarisse, wihi iche itidah, “Ichoowka maantoh waha nah kadagissa? Chaꞌat Ki Lasubhe tahe, rum on nah isoocheek.”

Yoohana 16:32

Iꞌdaasenyi maane a tamiite kola la a titah, ti atin tuumman seley baabaataane, ebba goobiis irti. Keleye ikatabtaane, iꞌdaasenyi an keley mee, iꞌdi tahe Aabbaheey a ileejira.