Yoohana 16:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Atin ka laka iꞌdaas on tateeh. Toolla a bolokhtaane, iꞌdaasenyi toro a atin arga, atin la weyti hamaaddaane, et hamaadiin atin kakhaato la mele.

Yoohana 16:22 Referans Kwoze

1 Beetero 1:8

Atin usu injire ma argine, eheetteey laka, usu a ꞌdoontaan. Atin usu toolla ma agartaane, eheetteey laka, usu a rummeysattaane toro la hamaadi etoo cheekin iubaaꞌdane toro weyti buurenye khabtaan,

Hilassi Ergaano 13:52

Abatti la hamaad ichoow Rubeyti Munyee buuhicheen.

Yoohana 16:6

Toolla an waha atin isoocheeke la, a bolokhtaan.

2 'Dessaloonika 2:16

Yeesso Kiriistohi Kamureene rubeytiis ichoow Waakkhi Aabbaheenenye inno ꞌdoone, haaggiiski buurenye inno imunneynan ka armaanjireen tuumman uur inno miigooche toro la khajjeeli haaggan inno siiche ba,

Hilassi Ergaano 16:25

Geeddi ibeene il ekka seley kagowe ka, Baawulo ichoow Siila Waakh wahteene, geeyohi Waakh laka dowteen. ꞌDooꞌdi addane hidan la a dagansata on.

Hilassi Ergaano 2:46

Orrahti sookorto tuumman, uranti minki Waakhe buurenye isikayamiitiine Waakh wahtaan. Toro goobassicho ka, uuri haaggan ka isleegolossataane, hamaadaane,

Ibiraaniya 10:34

Iꞌdi tahe ꞌdooꞌdi jeelayyo kajiro a inahteen. Chirri wihi atin khabtaan tuumman atin lasare laka, atin hamaad on khabteen, jeenteti atin wihi deefo yombuu imassanne Waakh ayyiche ikhabtaan igarattaan u.

Ibiraaniya 6:18

Waakh wihi us ayyiche ichoow wihi us daatte ma urgiyaane, been goon ma yabuuꞌd. Maantaka innohi Waakh inyaanne karibanne uure inno miigoocha, ꞌdee khajjeeli us inno siiche mujjum khabanna.

Hilassi Ergaano 5:41

Ergaano Jaldaabti Weene Yaꞌhuud katabte. Weyti hamaadeen a mehe jeenteti icho koo Yeesso iyahiin u sinati lakawaaricho a muꞌdanyahiin.

Yoohana 21:7

Eti abatti goyaka Yeesso weyti ꞌdoono la wihi us Beetero iyidah, “Waha a Kamureenna alah.” Chirri Siimonhi Beetero layadeeh saggi wahaas Kamur iyahe daage ka, dafartiisti oroot dabar kahiite. Iꞌdi tahe kootte a bahchee. ꞌDeerka bicche goya kadihe.

Yoohana 14:27

Nebeye atin ikataba. Nebeytaaya atin siicha. Saggi ꞌdooꞌdi harrata nebey ꞌdooꞌd isiicho mee an nebey atin isiicho. Amalalina toro la roorro akhabina.

Yoohana 14:1

Yeesso toro wihi us abattitiis iyidah, “Amalalina, Waakh kakhuufa, ani laka ikakhuufa.

Yoohana 4:14

Iꞌdaasenyi eti tuummane bicchehi an siicho yabhuub, jirtuu tuumman ma subgaati. Bicchehi an siicho la, goytiis ka iꞌdi issi bicchehi jiro lakeelo yateehiine, jiroti rummaate jirtuu imassanne ꞌhela.”

Luuka 24:41

Jeenteti icho ihamaadaane toro igirmeestaan u, icho uliba saggi waha Yeesso iyahe ma rummeysanne, ulla wihi us worsate, “Wohoo golole a khabtaan?”

Luuka 16:25

“Iꞌdaasenyi Aburaaham wihi us ilaabe, ‘Inankaaaw saggi goorat at jirotaah ka wahaahki haaggan iꞌhesse Laassaro la wihi sussuuje iꞌhele kasooꞌhel. Iꞌdaasenyi us toolla inta ka uure lakhoboocha, ati la bolokkhi uskule khabta.

Luuka 10:42

Iꞌdaasenyi wohoo kalday on laꞌdoona. Maariya la a eysiisse, wihi haaggane etoo kalday laka ikakhaatin yeesse.”

Mattaayo 28:8

ꞌDeerka oboorri usuhi roorro khabo iꞌdaasenyi hamaado goꞌd kabahe, oryeen abattitiissa icheekaanee.

Yoohana 16:20

Rume atin icheeka, atin a ooytaane, uuwwissaane, iꞌdaasenyi ꞌdooꞌdi wahanyeyyohi harratane sussuuje raaho a hamaada. Atin a bolokhtaane, iꞌdaasenyi bolokkhiin a luurgiyicha hamaad lakayeela.

Luuka 19:26

“Ulla wihi us ilaabe, ‘Wihi an atin icheeko, eti tuummane wihi dahan lagesse mujjum woywoye a liikakhaya, iꞌdaasenyi eti wihi dahan lagesse mujjum iwoywoyin, wihi us khabo laka a lakakhaata.

Yoohana 16:16

Yeesso wihi us abattitiis iyidah, “Geeddoor rucchul goyaka ma iagartaane, ꞌdee yomboka la toro a iagartaan,”

Yoohana 14:19

Geeddoo rucchul ka kola ꞌdooꞌdi harrata toro ma iargo, iꞌdaasenyi atin a iagartaan. Toro jeenteti an ijiruu, atin laka ꞌdee jiro a ꞌhessaan.

2 Koriinto 6:10

Rubeyoheenyo a bolkhaane iꞌdaasenyi kol dakkhan a hamaana, a miskiino iꞌdaasenyi ꞌdooꞌdi buurenye kamurroonna. Walah weheenyee mele toro la walah tuumman a khabna.