Yoohana 16:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Abattitiis gaasoo wihi iche isitidah, “Yeesso chirri us, ‘Geeddoor rucchul ka ma iagartaane ꞌdee yomboka la a iagartaan,’ inno idowo, mehe essa? Toro chirri us, ‘Aabbahaaya iirda,’ inno idowo, mehe essa?

Yoohana 16:17 Referans Kwoze

Yoohana 16:16

Yeesso wihi us abattitiis iyidah, “Geeddoor rucchul goyaka ma iagartaane, ꞌdee yomboka la toro a iagartaan,”

Yoohana 16:5

An kola ꞌdee eti goorat isooerge inokhda. Etiinkoo kaldaye inti an isohdi worsati la ma jiro.

Marko 9:32

Iꞌdaasenyi wihi us idowo ma abanne, toro usu worsan karooreen.

Yoohana 16:19

Yeesso saggi iche aytaas worsan iꞌdoonto abte, ꞌdeerka wihi us iyidah, “Atin wihi an, ‘Geeddoor rucchul ka ma igartaane, ꞌdee yomboka la a iagartaan,’ kiidah, iche isworsattaan?

Yoohana 14:5

Toomas la wihi us iyidah, “Kamur, inti at isohatti nah ma garanni, saggoh jiti intaas isohti iabanna?”

Yoohana 12:16

Abattitiis laka kolooraat waha tuumman ma aban. Inkoo Yeesso goobi Waakh ka laweynaache on iche saggi yeedaas lachiire usu imiinsanyahe, toro wahaas laka usu iyeeleen kaseen.

Luuka 18:34

Abatti la waha dakkhan kichokoo kalday laka ma garan. Iꞌdi tahe wihi yeeda miinsanyahe icho a lakadagche, icho la wihi us kaayyeedo tuumman foolicho ma khabaan.

Marko 9:10

Wihi us iyidah raahte, iꞌdaasenyi ayta omoot lakasookaho wihiche kahawwoocheen.

Yoohana 16:1

“Wahanyeyyoha a atin isoocheeke, uus atin kakhuufnaanki atin ikakhuuftaan ka soodihin.

Yoohana 14:22

Yuuda ꞌdeerka, kan Yuudahi inam Iskaariyoote menye, wihi us yidah, “Kamur, at a iꞌdoh dowwanoha ka nah isitussa, ꞌdooꞌdi harrata la isitusiwwaayta?”

Luuka 9:45

Iꞌdaasenyi waha wihicho ma aban. Iꞌdi tahe icho waha a lakadagche, uus ꞌdee icho wihi icho yahiin garanne. Icho la usu worsan karooreen.

Yoohana 16:18

Waha us, ‘Geeddoor rucchul,’ essi ma garanni. Iꞌda ka mehe essa? Wihi us essi ma garanni.”