Inkoo sina lakawaariche us reera a isoobahe, jitassi ittaawe ka saggi us rumanka ijiro tuse. Geeddi ibeen tomon affar icho a isoobahe, wori dakhi Waakh miinsan kaleeyyeede.
“Nyaakhutaaw, an kola geeddoo rucchul on atin leefiddiya. Atin a iyowattaane, iꞌdaasenyi iꞌdi goorat an yaafohi Yaꞌhuud iidah u, inti an irdi emeet ma tabuuꞌdiin.
Yeesso la wihi us icho iyidah, “Geeddoo rucchul on banay khabtaan. Banay goya kasohda giꞌde, geeddi banay jiraane mugꞌdi ikhaatin. Eti mugꞌdi kasohti, inti us isohti ma garti.