Yoohana 16:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Rubeyti Munyee saggane ani iweynaassa, wihi an adeehe sookhaatta, atin isoocheekta.

Yoohana 16:14 Referans Kwoze

Yoohana 15:26

“Maanti Rubeyti Munyeenye ꞌDooggargaarto layadeehe Aabbaheey katamiit an atin isooergo, Rubeyta Munyeenye rum lehe Aabbaheey katamiit, a atin itamiite, wori ani imiinsan atin icheekta.

Bakkaahit 19:10

An la hertaas Waakh orche ka jilbo il kaguꞌdde, wahan leheet. Iꞌdaasenyi wihi iche itidah “Tabe iꞌdaas ayeelin! Annaka iꞌdi ilbooyyeti wahalhaahenye toro wahalhi ꞌdooꞌdi Kiriisto rummeeste runti Yeesso babbakkaahiche raaho u, Waakh on ifala. Waakh kalday on waho! A mehe runti Yeesso soobabbakkaahiche, a miigti farniinki Waakh lakacheeko.”

Galaatiya 5:5

Iꞌdaasenyi kakhuufnaanki inno Kiriisto kakhuufno ichoow Rubeyti Munyee ka, wihi inno khajjeello a Waakkhi ꞌdooꞌdi fiffissan inno iekkaacho.

2 Koriinto 4:6

Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.

1 Koriinto 12:3

Maantaka wihi an atin isoocheeko, eti Rubeyti Waakh woyto, koloo kalday laka, “Yeesso a falayyahe,” ma yadeeh. Eti Rubeyti Munyee woyto on menye koo addane, “Yeesso a Kamur,” yadeeh mele.

1 Yoohana 5:20

Wihi inno garanni Weeli Waakh a yimiyye, miigti inno wahanyeyyohi Waakh kaabanni inno siiche, ꞌdee saggi Waakh rum iyahe abanna. Toolla la inno ichoow Waakkhi rummaat a wohoo kaldaye, inno ichoow Yeesso Kiriistohi Weeliise laka a wohoo kalday. Us a Waakkhi rummaate, toro a jiroti jirtuu imassan.

1 Yoohana 5:6

Yeesso Kiriisto rubeytiis bicche ichoow diige kayimiy. Bicche kalday on la menye, bicche ichoow diige goya leeyimiy. Rubeyti Munyee la waha a cheekta, a mehe Rubeyti Munyee rum on cheekta.

1 Yoohana 3:23

Amuri Waakh inno siiche kalla, Yeesso Kiriistohi Weeliise rummeesda, toro la saggi us amur inno isiichuu, isꞌdoona.

Yoohana 7:39

Yeesso yeedaas ka la, wihi us woriis kayeyyeedo, a Rubeyti Munyeenye, ꞌdooꞌdi usu rummeeste sooꞌhelo. Geeddaka uliba Waakh ꞌdooꞌdi Kiriisto rummeeste Rubeyta Munyee ma siin. A mehe Yeesso geeddaakka goobi Waakh ka ma laweynaan.

1 Beetero 2:7

Atinhi usu rummeysattaan ka daakka weyti atin ikhummanyahe. Iꞌdaasenyi ꞌdooꞌdi irummeysan ka, “Daakki ꞌdooꞌdi minan diso ꞌdiiꞌde, usu tirrinki dagaheete min tiiro yitah.”

Yoohana 14:21

Eti iꞌdoono, a ki amurreteey khabti, toro raaho. Eti iꞌdoono la, Aabbaheey laka usú a ꞌdoona, ani laka usu a ꞌdoona, toro la eti an ahe la a tusa.”