Yoohana 16:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ “Wahanyeyyoha a atin isoocheeke, uus atin kakhuufnaanki atin ikakhuuftaan ka soodihin.

Yoohana 16:1 Referans Kwoze

1 Beetero 2:8

Toro la, “Us a iꞌdi daakki enenyet tarraantarricho, a daddaabti enenyet lagaꞌddo.” Jeenteti icho ayti Waakh idaagine itarraantarrataan. Waha la a wihi goorat Waakh igooche on.

Mattaayo 13:21

Iꞌdaasenyi hiiyyay us khabo mele, mujjum ma tolossati. Maanti jeenteti Yeedi Waakh u sinatoo isoobahte ommos sina loomhiche dowwa on soodiha.

Yoohana 16:4

Waha la a atin isoocheeka, ꞌdee chirri maanti icho waha yeelaan yitah ka, wihi an atin iidah kasooꞌhessaan. “Waha maanti kolooraate atin abattiteey titaaheen ma atin isoocheekin. Iꞌdi tahe an a atin leejiree.

Mattaayo 24:10

Maantaas ꞌdooꞌdi buure kakhuufnaanki icho ani ikakhuufaan a kanokhta, dahanohi chiiyeet isgessa, toro la isꞌdiiꞌdaan.

Rooma 14:21

A deefta chirri jid liiumhane ommos farsoti sabiib liidamine ommos wohoo addane etaahki Kiriisto rummeeste tarraantarricho liiyeelin.

Mattaayo 13:57

Icho la usu ꞌdiiꞌdeen. Iꞌdaasenyi Yeesso wihi us icho iyidah, “Eti Waákh íyeyyeedo, ꞌdooꞌdi goobicho ichoow ꞌdooꞌdi yaaftiise kalday on iinkaanyitin.”

Mattaayo 11:6

Eti Waakh imaalo a ki jeenteteey u kakhuufnaanki us ikakhuufo iꞌdiin.”

Yoohana 15:11

“Waha la a atin isoocheeke, ꞌdee atin laka hamaadi an khabo khabtaane, toro la hamaadiin walah kaankhati mele.

Fiiliffi 1:10

Waakhe atin isoowaha, ꞌdee wihi weyti haaggan soobahsan tabuuꞌdiine, toro la uus toolla kakhabatti ichoowka maanti Kiriisto soonokhti, Kiriisto atinhi eloo rucchul laka laaye toro la enenyet wohoo atin ikacheekan atin ꞌhela.