Yoohana 15:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Chirri atin gurnaanki buure bihissaan, saggi atin abattiteey itahiine tussaan. Iꞌda ka la, Aabbaheey a laweynaacha.

Yoohana 15:8 Referans Kwoze

Yoohana 8:31

Yeesso wihi us ꞌdooꞌdi Yaꞌhuude usu rummeeste iyidah, “Chirri atin wori an atin abche khucchissaan, atin rumanka a abattitaaya.

Mattaayo 5:16

Taba giꞌde atin laka iꞌdaasu, haaggi atin yeessaan weeli enenyet tuumman a argo, ꞌdee enenyet tuumman Aabbahiinki serey jiro a inkaanyito.

Fiiliffi 1:11

Iꞌda ka Yeesso Kiriisto ka gurnaanki fiffissane jirotiin goya buuhicha. Waha la Waakh weynaan ichoow koolo ikeenaan.

Yoohana 15:5

“An a iꞌdi geeyi sabiibe, atin la a iꞌdi liikhimohaaya. Eti tuummane goyteey fiddiyo, anna goytiis fiddiyo, gurnaanki buurenye dela. Laanteey walah atin ꞌduuꞌddaan mele.

1 Beetero 4:11

Eti siintiis ti Yeedi Waakh lacheeko tahe, yeedaas a cheeko giꞌde. Eti siintiis ti us ꞌdooꞌdi addan gargaaro tahe, miigti Waakh siiche tuumman ka ꞌdooꞌdi addan a gargaaro. Iꞌda ka walah tuumman ka Yeesso Kiriisto ka Waakh a laweynaacha. Us ba jirtuu tuummamba inkaanyit ichoow miig ꞌhela. Aamiin.

Yoohana 13:35

Chaꞌatin isꞌdoontaan, ꞌdooꞌd tuumman saggi atin abattiteey itahiin a abta.”

1 Koriinto 10:31

ꞌDeerka golossatteey ommos wohoo danteey ka ba, ommos walahbaaw at yeesso ka, waha tuumman saggoo Waakh liikoolicho iyeel.

1 Koriinto 6:20

A mehe Waakh wihi buurenye gute atin gatte. Maantaka ebba sartiis ka Waakh a inkaanyito.

Luuka 6:35

Iꞌdaasenyi taba chiiytiin ꞌdoona, haag iyeela, mog siicha ichohi atin isooguto asugina. ꞌDeerka kalaꞌddiin la a buuraatta, toro nyaakhuti Waakkhi Weyti Weene tateehiin. A mehe us ꞌdooꞌdi kalaꞌd ikhabin ichoow ki sussuuje uur a iꞌdabakhyahe.

1 Beetero 2:12

ꞌDooꞌdi Waakh igaran goyaka jiroti haaggan jira, ꞌdee koli icho suujoonkoo atin kacheektaan tuumman, jeenteti icho haaggi atin yeessaan ifiirichaan u, Waakh a koolicheen maanti us yamiit.

Tiito 2:10

Toro la bowꞌdayyo iicho kamurreticho hatin. Iꞌdaasenyi ꞌdooꞌdi tuum lakakhuufo a eheetti. Iꞌda ka walahbaaw icho yeelaan ka, yeedi wori rummaate Waakkhi ꞌDoorribeheene kayamiit saaꞌdo ikeenaan.

Tiito 2:5

Toro la deyyehoti nunnugul saggi iche isijeyisso, iche jiroti miꞌdabe ijirto, iche urmohicho mujjum idakhatti, iche wihi haaggan iyeesso, iche makhaaballeticho aficho ikutin abin a yubaaꞌdeen. Iꞌda ka enenyet Yeedi Waakh ma igafo.

Mattaayo 5:44

Iꞌdaasenyi wihi an atin iadeeh, chiiytiin ꞌdoona, ꞌdooꞌdi sina atin omhicho la iweesda.

Mattaayo 9:8

Urur uus waha arge weyti roorro gesse, Waakkhi enenyet antohaas geeddee siiche koolicheen.