Yoohana 15:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² “Chirri goorat an iimaatane an icho ileeyyeedin, uskeel lakacheekti mele gon. Iꞌdaasenyi toolla uskeelicho ka walah icho laabaan mele.

Yoohana 15:22 Referans Kwoze

Yoohana 9:41

Yeesso wihi us ilaabe, “Chirri kootte atin indo laatahiin, uskeel atin khabtaan mele. Iꞌdaasenyi toolla atin ‘il a agarra,’ elattaan, waha saggi atin uliba uskeel ikajirtaane tusaan.”

Yaakoobo 4:17

Maantaka eti tuummane haaggi imale us yeelo garti toro iyeelin, uskeele yeela.

Hilassi Ergaano 17:30

Goorat ꞌhor Waakh enenyeti aytiis igaran walah us iekkaache mele, iꞌdaasenyi toolla amuri us enenyet tuumman meelbaaw us kijiro ka ibahcho, a ki icho uskeelicho kasoonokhtaan.

Rooma 1:20

A mehe uuꞌ goorat harra lasoouume, weeli enenyet saggi miigti Waakh jirtuu tuumman ijirto ichoow saggi us rumanka Waakh iyahe, a abte. Wahanyeyyoha Waakh leeyahe ma laargo, iꞌdaasenyi wihi Waakh soouume tuumman ka a lagarta. Jeentetaas u, wohoo rucchule icho laabaan ma khabaan.

Yoohana 12:48

Eti ani iꞌdiiꞌdo toro yeedeey ikhaatan, wihi hukkumo a jiraan. Yeedaas an idah rubeytiissa ibeenki yomboot etaas sina igoochá.

1 Beetero 2:16

Saggi ꞌdooꞌdi lasoofure ijira. Iꞌdaasenyi furnaankaas atin lasoofure akagirꞌdaamina suujoon ayeelina. Saggi falfayyohi Waakh ijira.

Rooma 2:1

Maantaka atihi etoo addan uuraah goyaka hukkunto, wihi ati isikaayyeeddo ma khabto. Iꞌdi tahe walahbaaw at etoo addan uuraah goyaka kahukkunto, a iꞌdoo at uskeel isigoosso. Iꞌdi tahe wihi etaas yeelo on at laka yeessa.

Luuka 12:46

Kamuri ilbooyaas, maanti us ikamurine soonokhta toro sahaꞌddi us igaranne soonokhta. Usu seleye goggoocha, toro ꞌdooꞌdi Waakh irummeysan goya gata.

Yoohana 19:11

Yeesso wihi us ilaabe, “Waakh on anto kisiiche menye, at anto at ikakhabto mele. Maantaka eti dahanohaah igesse, uskeeli us khabo kaah laka a kuta.”

Yoohana 15:23

Eti tuummane ani inibhaate, Aabbaheéy laka a nibhaate.

Yoohana 15:24

Chirri kootte an goycho ka wihi injire liiyeelin iyeelin, uskeel ma khabaan. Iꞌdaasenyi toolla wihi ittaawenye weeli enenyet yeelin iubaaꞌdane an yeele a argeene, toro Aabbaheey ichoow ani ba a nah nibhaateen.

Yoohana 16:9

Mali icho khabaane uskeel miinsan a baabul, iꞌdi tahe icho ani ma irummeysan.