Yoohana 15:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Waha tuumman la jeenteti atin keey itahiin u, a atin layeela. Iꞌdi tahe icho eti ani isooergate ma gartaan.

Yoohana 15:21 Referans Kwoze

Mattaayo 10:22

Enenyet tuumman a atin ꞌdiiꞌda jeenteti atin abattiteey itahiin u. Iꞌdaasenyi, eti garrahsate ichoowka sinata ꞌdubiche eleele a lariba.

Yoohana 16:3

ꞌDooꞌd la waha tuumman a atin yeela, iꞌdi tahe icho Aabbaheey ma gartaane, ani laka ma igartaan.

Yoohana 8:19

ꞌDeerka wihi icho Yeesso worsateen, “Aabbahaah meeke?” Yeesso wihi us ilaabe, “Atin ani ma igarattaane ommos Aabbaheey laka ma garattaan. Chirri kootte atin ani igarattaan, Aabbaheey laka a garattaan gon.”

Mattaayo 24:9

“Maantaas a atin ladiiba, ꞌdee sina atin loomhicha, toro atin layagiis. ꞌDooꞌdi harra tuumman la a atin ꞌdiiꞌda jeenteti atin abattiteey itahiin u.

Mattaayo 10:18

Jeenteteey u gaafanayyo ichoow karnato atin liigeecha, atin la garti Wori Haaggan icho ichoow yaafohi Yaꞌhuud ieheynan itateehiin.

Hilassi Ergaano 5:41

Ergaano Jaldaabti Weene Yaꞌhuud katabte. Weyti hamaadeen a mehe jeenteti icho koo Yeesso iyahiin u sinati lakawaaricho a muꞌdanyahiin.

Bakkaahit 2:3

Atin a garrahsatteene, jeenteteey u, sinayyo tuumman ka samacchaar on eheete, ajjibaat ma khaatin.

2 'Dessaloonika 1:8

Ulla eti tuummane Waakh igaranne toro la Wori Haaggane Yeessohi Kamureene miinsan daagin ꞌdiiꞌde, sirbi gessa.

1 Koriinto 15:34

Waha mujjum kamalda, uskeeliin la ꞌdiicha. Weyti lakhaanyo menya maanta chirri an saggi gaasiinkoo uliba Waakh ma aban eldi?

1 Koriinto 2:8

Weynaanti harrata kichekoo kalday laka kharata inno kaayyeeno ma aban. Iꞌdi tahe chiꞌ goorat icho abteen, Kamureenki weynaan tuumman leh massalaaba ma kakaahaan gon.

Rooma 1:28

Toro la jeenteti icho Waakh garan iꞌdiiꞌdeen u, Waakh icho a ꞌdiiche, uskeeli nool kamassaan. Suujoonki nool on kamassaane, jeentetaas u wihi kootte ikamaline yeelaan.

Hilassi Ergaano 17:23

Wihi tahe, geedda an ilkerengeettiin goya dah kagooche, an wahanyeyyohi atin wahattaan mujjum fiiriche, chalagtoo hoola lakasoorriyoocho waha kachiiranyahiine ꞌhele, Waakkhi Liigaran. Kaas chirri atin igaran laka atin wahattaan, iche toolla atin isoocheeka.

Hilassi Ergaano 9:16

Anna sinati usu latuso jeenteti us keey iyahuu iche tusa.”

Hilassi Ergaano 3:17

“Toollaka yaafeey saggi atin ichoow weynaantiin garawwaayyo ka wahaas iyeesseen a garda.

Yoohana 8:54

Yeesso wihi us ilaabe, “Chirri an iskoolicho, koolohaas walah icho ibahaan mele. Eti koolo iꞌdoono a Aabbaheeyki atin a Waakkhiinna elattaan.

Luuka 6:22

Waakh a atin imaala maanti enenyet jeente Ínam Aadam u atin ꞌdiiꞌdo, atin riho, ommos atin abaaro, magahiin uskeeli nool kawaho.

Mattaayo 10:39

Eti tuummane jirotiis khuccho jiroti rummaat a waaya. Eti tuummane harrata ka jirotiis ani iwaayo la, jiroti rummaat a ꞌhela.

Mattaayo 5:11

“Waakh a atin imaala maanti enenyet jeenteteey u atin abaaro, sina atin omhicho, been ka suujoonki nool atin kacheekti.

Marko 13:13

Enenyet tuumman a atin ꞌdiiꞌda jeenteti atin abattiteey itahiin u. Iꞌdaasenyi, eti garrahsate ichoowka sinata ꞌdubiche eleele a lariba.

Luuka 21:12

“Iꞌdaasenyi geeddi waha tuumman iitaahan a atin khabtaane, sina atin omhichaan. Minassi weysiite Yaꞌhuud ka atin lahukkuma toro jeelayyo atin lageecha. Karnatte ichoow gaafanayyo atin liigeecha, waha tuumman la a jeenteti atin abattiteey itahiin.

Luuka 21:17

Enenyet tuumman a atin ꞌdiiꞌda jeenteti atin abattiteey itahiin u.

Yoohana 8:55

Atin injire usu ma garanne, anna usu a garda. Chirri ani, ‘An usu ma gardi,’ an atin iidah, annaka iꞌdiin u eti been lehe ateeh. Iꞌdaasenyi an usu a garda, yeediis la a raaha.

Yoohana 15:24

Chirri kootte an goycho ka wihi injire liiyeelin iyeelin, uskeel ma khabaan. Iꞌdaasenyi toolla wihi ittaawenye weeli enenyet yeelin iubaaꞌdane an yeele a argeene, toro Aabbaheey ichoow ani ba a nah nibhaateen.

Yoohana 17:25

“Aabbaheeyki fissan, chirri ꞌdooꞌdi harrata kigaran laka, an a kigarda, ꞌdooꞌda la saggi at ani isooeregte a garta.

Hilassi Ergaano 4:17

Iꞌdaasenyi saggoo ꞌdee yeeda toro weyti itaaꞌhin u, ꞌdooꞌda tootoonno, ‘Toro maantoo addan magah Yeesso akayeyyeedina,’ inidaahe.”

Hilassi Ergaano 9:14

Ulla antohi kuhaaniyyohi wewween siicheene us ebbaaw ati kiwahti us kakhabti leeyimiy.”

Hilassi Ergaano 26:9

“Ani rubeyteey laka wihi an tissibe, wihi an abuuꞌd tuummane yeele, antohi magah Yeessohi Naasarete tirrimaa.

1 Yoohana 3:1

ꞌDooninti Waakkhi Aabbaheene inno ꞌdoono eenna a buure. Waakh rubeytiis laka nyaakhutiissa inno yadeeh! Rumanka la inno a nyaakhuti Waakh! Maantaka ꞌdooꞌdi harrata ma inno garti, a mehe icho Waakkhi Aabbaheene ma gartaane.

3 Yoohana 1:7

Iꞌdi tahe ꞌdooꞌda iroono Yeesso Kiriisto ibaha, ꞌdooꞌdi Waakh igaran la gargaar us kaꞌhelo mele.