Yoohana 15:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Aabbaheey la eti tuummane iꞌdi liikhimeet u ani ikatoollo gurnaan idelin, a goocha. Eti tuummane iꞌdi liikhimeet u gurnaan delo la, Aabbaheey mujjume yeela, ꞌdee gurnaanki buure bahcha.

Yoohana 15:2 Referans Kwoze

Mattaayo 3:10

Toolla laka Waakh iꞌdi eti uroti geeyo hiiyyay khabaani goosso dahan kakhabuu, geeyohi gurnaanki haaggan idelin tuumman a goocha ꞌdab goya iseya.”

Mattaayo 15:13

Yeesso wihi us ilaabe, “Icho a iꞌdi geeyi Aabbaheeyki serey jiro rubeytiis il ikatoollinne, Aabbaheey bukkhicho.

Bakkaahit 3:19

ꞌDooꞌdi an ꞌdoono a leejaakha toro sirbi gessa. ꞌDeerka taba uurassiin tuumman ka ichoow walah tuumman ka tuum uskeel kasoonokhda.

Yoohana 15:8

Chirri atin gurnaanki buure bihissaan, saggi atin abattiteey itahiine tussaan. Iꞌda ka la, Aabbaheey a laweynaacha.

Mattaayo 13:12

Eti tuummane wihi dahan lagesse mujjum woywoye a liikakhaya ichoowka wihi us khabo buuraataan. Iꞌdaasenyi eti wihi dahan lagesse mujjum iwoywoyin, wihi us khabo laka a lakakhaata.

Mattaayo 3:12

Birtiisti gurnaan lakahafaricho, dahane kakhaba. Inti gurnaan lakatumo hara, ꞌdargaayyetiis koondi kichiba, urfo la ꞌdabi jirtuu ijitin goya kichiba.”

Mattaayo 21:19

Chuꞌus geeyoo fiige jit ꞌdossiis katoollo arge ka ibuje. Iꞌdaasenyi walah us kaꞌhele mele, seeb on menye. ꞌDeerka geey fale, wihi us iyidah, “At ba toro jirtuu tuumman gurnaan deliwwaayta.” Geey chirraas on angage.

Ibiraaniya 12:15

Taba aw isikhaba, uus ꞌdee etiinkoo kalday laka haaggi Waakhe buurenye us atin tuste waayine. Uus etiinkoo kalday laka iꞌdi hiiyyi hadaado khabo soobaho sina keeno, toro enenyet suujaacho itaahan.

Yoohana 15:16

Atin ani ma isoobahsan, iꞌdaasenyi ani atin soobahsade, toro hiloo atin korche, ꞌdee gurnaan bihissaan, gurnaanki fiddiyo bihissaan. ꞌDeerka jeenteti atin keey itahiin u, Aabbaheey wihi tuummane atin daahtaan, a atin siicha.

Luuka 8:13

Ilmohi daddaab sarche kadihe a ꞌdooꞌdi chuꞌus Yeedi Waakh daage hamaadi buure ka khaatti. Iꞌdaasenyi hiiyyay icho khabaan mele. Geeddoo rucchul on yeeda rummeestaane iꞌdaasenyi chirri kajmeti uskeel kaluguꞌddo timiy dowwa on soodihaan.

1 Yoohana 2:19

ꞌDooꞌda goyteenna kabahe iꞌdaasenyi rumanka keen ma eheynan. A mehe chiꞌ rumanka goorat icho keen yahiin, a inno leefiddiyaan. Iꞌdaasenyi katabinti icho inno katabeen, saggi koo kalday laka keen ieheynane tusa.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

1 Koriinto 13:1

Chirri an afassi weeli enenyet ommos afassi herti Waakh kaayyeedo, iꞌdaasenyi an enenyet iꞌdoonin, an a iꞌdi gaꞌdaari ballaaddane hafane weyti riiro, ꞌdollo lajaho on. Ommos an a iꞌdi ꞌdaanki buurenye immarah yeedo on.

Rooma 8:28

Wihi inno garanni a mehe ya, walah tuumman ka Waakh ꞌdooꞌdi usu ꞌdoono wihi haaggan a iyeela. ꞌDooꞌdaas la a ki Waakh saggi us igooche iwahe.

Yoohana 17:12

Geeddi goorat an icho leejire, magahaas at isiisse ka, a toorribe bariisde. Ki goorat baabaa liigooche on menye, kichekoo kalday laka ma baabiin, ꞌdee wihi Chiirnaanneti Waakh ka lachiire labuuhicha.

Mattaayo 13:33

Yeesso toro mammahtoo addan ibahche, “Dakhi goobi Waakh a iꞌdi booddati makaate fuurisso makhaabassoo wohoor khaatte, ingangaanoti buure kakhayte ichoowka ingangaano tuumman fuurte.”

Mattaayo 7:19

Geeyi tuummane gurnaanki haaggan idelin, a lagoocha ꞌdab lakalugꞌda.

Mattaayo 25:29

A mehe eti wihi dahan lagesse mujjum woywoye a liikakhaya ichoowka wihi us khabo buuraataan. Iꞌdaasenyi eti wihi dahan lagesse mujjum iwoywoyin, wihi us khabo laka a lakakhaata.

Marko 4:20

ꞌDooꞌd gaasoo a iꞌdi ilmohi harrati haaggan lakachibe. Icho Yeedi Waakh a daagaane toro khaattaane, gurnaanki buure delaan. Gaasoo kol tomon seyyah delaane, gaasoo la kol tomon lih delaane, gaasoo la kol kudoo delaan.”

Yoohana 15:1

Yeesso toro wihi us yidah, “An a iꞌdi geeyi sabiibe rummaate, Aabbaheey la a eti gos hil kahaaggicho.

Yoohana 15:3

Atin la ꞌhor on wihi an atin abche ka, atin mujjummooche.

Yoohana 15:6

Eti tuummane goyteey ifiddiyin, iꞌdi liikhimeet u a laroga, angaga. Liikhimohi iꞌdaase a lasoosuuna, ꞌdab lakalugꞌda, laguba.

Rooma 11:17

A iꞌdi liikhimohoo geeyi oolife gos goyaka bahe geeyaas lakasoojebche. Atinhi ꞌdooꞌdi ilassi addane iꞌdi liikhimohi geeyohi oolife yibaat u, a atin lasookhaate geeyi gos goya kabahe atin lakakabe. Maantaka atin laka subakki hiiyyassi geeyaas oolif kayamiit a ꞌhessaan. Geeyaas oolif la a iꞌdi ꞌdooꞌdi Issiraayel.

Rooma 11:22

Mujjum saggi Waakh uur iꞌdabakhyahe us uskeel ikagarrahsan isiyeya. Waakh ꞌdooꞌdi uskeel kaassohti a hukkuma, sina igoocha. Atin la uuri ꞌdabakhenye atin tusa, chirri atin saggi us iꞌdoono isohattaan. Koli addan la, atin laka Waakh a atin jebcha, atin roga.