Yoohana 15:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ “Kola ilbooyye ma atin adeeh, iꞌdi tahe ilbooyye wihi kamuriche haaggicho ma garatti. Aalassaaya atin adeeh. Iꞌdi tahe wihi tuummane an Aabbaheey kadaage, a atin isoocheeke.

Yoohana 15:15 Referans Kwoze

Mattaayo 13:11

Yeesso la wihi us ilaabe, “Waakh garanti wihi dagsane dakhi goobi Waakh miinsan lagarti a atin siiche. Iꞌdaasenyi ꞌdooꞌdi addan iꞌdaas mee.

Yaakoobo 2:23

Chiirnaanneti Waakhe, “Aburaaham Waakhe rummeeste, Waakh la eti fissan iekkaache,” tadeeh a labuuhiche. Aburaaham la aali Waakhe lakawahe.

Kolossaay 1:26

Waha la uuꞌ lasoobahe ichoow kholoyyo tuumman ka a wihi dagsane, iꞌdaasenyi toolla ꞌdooꞌdi Waakh a liisoobabbakkaahiche.

Bakkaahit 1:1

Waha a wori Yeesso Kiriisto miinsane ani liisoobabbakkaahiche. Waakh Yeesso Kiriisto waha a siiche, ꞌdee falfayyohiis wihi dowwanoha ka sooyateeh tusa. Kiriisto la hertiistoo Waakhe ilbooyiiski Yoohana layadeeh isooerge, wora icheeke.

Efeesso 3:5

Waakh kholoyyohi oraat waha dagsan ma tusine, toolla la Rubeyti Munyee ka ergaanotiisti munyee ichoow ꞌdooꞌdi Waákh íyeyyeedo munyee waha a isoobabbakkaahiche.

Efeesso 1:9

Waakh la maliiski goorat dagsane inno isoobabbakkaahiche. Waha a wihi hamaadiis ka, us Kiriisto ka gooche.

Yoohana 20:17

Yeesso chirraakka wihi us iyidah, “Iikhaban, iꞌdi tahe an uliba Aabbaheey ma inokhan. Nyaame, ꞌdooꞌdi irummeeste iiro, saggi an eti Aabbaheeyenye toro icho laka Aabbahichee ikanokhdi, icheek. Ulla a Waakkhaaya, toro la a Waakkhichooda.”

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

Galaatiya 4:6

Jeenteti atin nyaakhuti Waakh itahiin u la, Waakh Rubeyti Weeliissa rirriirto, “Aabba, Aabbahaaw,” elatti sooerge, rubeyoheen goya gesse.

Yoohana 12:26

Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.

Yoohana 8:26

Wihi buurenye atin miinsane an adeehe toro atin kahukkumo a jiraan. Iꞌdaasenyi eti isooerge a ki rum leh. Anna wihi an usu kadaage on ꞌdooꞌdi harrata icheeka.”

1 Beetero 1:11

ꞌDooꞌda Waákh íyeyyeedo Rubey Kiriistoti goycho kijirto icho et ichoow maan tusso iche aban ꞌdooneen. Rubey Kiriisto la wahanyeyyoha saggi Kiriisto sina liikawaaricho yomboka liiweynaacho miinsan orey on cheekte.

Yaakoobo 1:1

Khadaaba eti atin isoochiiro, a ani Yaakoobo. Anna a bowꞌdati Waakh ichoow bowꞌda Yeesso Kiriistohi Kamureene. ꞌDooꞌdi an isoochiiro la a ꞌdooꞌd Kiriistoki yaafohi tomon ichoow lammeenye Issiraayelenye harra tuumman kataasan. Nebeeheyte?

Fiilemon 1:16

ꞌDeerka us kola bowꞌda menye, bowꞌda a kadeefa, a iꞌdi walaalaahki at weyti ꞌdoonto. An usu weyti ꞌdoona, iꞌdaasenyi ꞌdooninti at usu ꞌdoonto iche weyti kutta. A mehe saggi weeli enenyet u ichoow Kamur ka us a walaalaahha, usu a ꞌdoonta.

Yoohana 17:26

Eti at tahe icho a ibabbakkaahiche, toro la oreye isohda weyti eti at tahe ibabbakkaahicha, ꞌdee ꞌdooninti at ani ikhabto goycho a kijirto, ani la goycho a kijiro.”

Yoohana 15:20

Wihi an atin iidah kasooꞌhela, ‘Falfá kamuriche kaween mele.’ Chirri ꞌdooꞌdi harrata ani sina iomhicho, atin laka sina a atin omhichaan. Chirri icho wihi an abche raaheen la, wihiin laka a raahaan.

Yoohana 13:16

Rume atin icheeka, falfá kamuriche kaween mele, ommos eti ergaanee eti ergate ma kaween.

Yuuda 1:1

Eti khadaaba soochiiro a ani, Yuudahi bowꞌda Yeesso Kiriisteenye, walaal Yaakoobee. ꞌDooꞌdi an ichiiro la a ꞌdooꞌdi Waakkhi Aabbaheene wahe toro la ꞌdoono, Yeesso Kiriisto la toorribo.

Hilassi Ergaano 20:27

Iꞌdi tahe wohoo kaldaye Waakh atinhi abattaan ꞌdoono an mujjum atin ikasoocheekin ma jiraan.

Yoohana 4:19

Makhaabale wihi iche itidah, “Eti ween, saggi at eti Waákh íyeyyeedo itahe a arga.

Luuka 10:23

ꞌDeerka abattitiis iurgiye, dagsi ka wihi us iyidah, “Waakh indohi waha atin agartaan argo a imaale.

Yoohana 16:12

“Wihi buurenye an atin isoocheeko a jiraane, iꞌdaasenyi toolla a atin kahulees.

Rooma 7:15

Ani rubeyteey wihi an yeelo ma gardi ba. A mehe wihi an ꞌdoono ma yeelo, wihi an ꞌdiiꞌddanahe on yeela.

1 Koriinto 2:16

“A mehe ayyo mali Kamur garta? Ayyo Kamur wihi us yeelo icheeka?” Iꞌdaasenyi inno mali Kiriisto khabo iche khabna.