Yoohana 15:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Atin a aalassaaya chirri atin amureey raahtaan.

Yoohana 15:14 Referans Kwoze

Mattaayo 12:50

A mehe eti tuummane wihi Aabbaheeyki serey jiro ꞌdoono yeelo, a walaalaaya, a walaassaaya, a abartaaya.”

1 Yoohana 5:3

ꞌDooninti inno Waakh ꞌdoonno a iꞌda, amurretiissa raahna. Amurretiis la hulees mele.

Yaakoobo 2:23

Chiirnaanneti Waakhe, “Aburaaham Waakhe rummeeste, Waakh la eti fissan iekkaache,” tadeeh a labuuhiche. Aburaaham la aali Waakhe lakawahe.

Yoohana 14:21

Eti iꞌdoono, a ki amurreteey khabti, toro raaho. Eti iꞌdoono la, Aabbaheey laka usú a ꞌdoona, ani laka usu a ꞌdoona, toro la eti an ahe la a tusa.”

Yoohana 14:15

“Chirri atin iꞌdoontaan, amuri an atin siiche a raahtaan.

Luuka 12:4

“Aalassaay wihi an atin icheeko, ꞌdooꞌdi sar on yagiise wahaas ꞌdubicho ka wohoo addan iyeelin akaroorina.

Yoohana 13:17

Toolla ꞌdeerka atin runta garattaan, a hamaadoo geeddohe chaꞌatin wihi atin liiꞌdoono yeessaan.

Yoohana 2:5

Abartiis wihi iche ilbooyye itidah, “Walahbaaw us yeela atin iidah, yeela.”

Yoohana 14:28

“Anihi, ‘A irda toro a atin isoonokhda,’ eldi a daagteen. Chirri atin iꞌdoonteen, jeenteti an Aabbaheey ikiirduu, a hamaaddaan. A mehe Aabbaheey ani a ikaweenyahe.