Yoohana 15:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² “Amuri an atin siicho kalla, saggi an atin iꞌdoonuu, taba atin laka isꞌdoona.

Yoohana 15:12 Referans Kwoze

1 Yoohana 4:21

Amuri Waakh rubeytiis inno siiche mehe yadeeh ya, eti tuummane Waakh ꞌdoono, eti tuummane koo Kiriistee laka a ꞌdoono.

Yoohana 13:34

“Amuroo husube atin siicha. Taba isꞌdoona. Saggi an atin iꞌdoone, atin laka saggaas isiꞌdoona.

1 Beetero 4:8

Walah tuumman ꞌdirihicho la, weyti isꞌdoona. Iꞌdi tahe ꞌdoonine uskeeli buurenye kakutta.

1 Yoohana 3:23

Amuri Waakh inno siiche kalla, Yeesso Kiriistohi Weeliise rummeesda, toro la saggi us amur inno isiichuu, isꞌdoona.

Rooma 12:10

Iꞌdi ꞌdooꞌdi uuroo kaldaye u, isꞌdoona, ꞌdooꞌdi addan kol tuumman ꞌdirihiin inkaanyita.

Efeesso 5:2

Wihi atin haaggissaan tuumman ka, ꞌdooninti atin enenyet ꞌdoontaan a laargo, saggi Kiriisto inno iꞌdoone ichoowka us iroonoteen u jirotiis isoobahchuu. Ulla sadakha ichoow soorriyoti uyuugenye Waakh liibahche yitah.

1 Beetero 3:8

Ayti ꞌdaꞌddaboot, taba atin tuumman maloo kalday khaba, uur isinugleesda, iꞌdi ꞌdooꞌdi uuroo kaldaye u isꞌdoona, isnuglaacha.

1 Beetero 1:22

Toolla runti atin raahtaan ka a isdikhteene ꞌdee ꞌdooꞌdi Kiriisto rummeeste ꞌdooninti rummaat ikhabtaan gone, taba giꞌde uurassiin ka weyti isꞌdoona.

1 'Dessaloonika 4:9

Toolla walah ꞌdooninti atin isꞌdoontaan miinsane atin laatahiine nah atin isoochiirro mele, a mehe Waakh rubeytiis saggi atin isiꞌdoontaan a atin abche.

1 'Dessaloonika 3:12

Kamur ba ꞌdooninti atin isꞌdoontaan ichoow ti atin ꞌdooꞌdi addan tuumman ꞌdoontaan atin ikakhakkhaya, weyti buuraacha saggi nah atin iꞌdoonnuu.

2 'Dessaloonika 1:3

ꞌDooꞌd Kiriistokaaw, nah kol dakkhan jeentetiin u Waakh kalaꞌde ilaabna. Waha la a wihi mujjumenye kootte nah imale, jeenteti atin weyti ikakhayantaane, Waakh ikakhuuftaane, ꞌdooninti atin isikhabtaan la ikakhayantuu.

Yoohana 15:17

Amurreteey taacheyye, taba giꞌde isꞌdoona.

2 Yoohana 1:5

Maantaka makhaabassaneey, amura an kisoochiiro koo husub menye, a ki uus uumaccho ka inno khabne one, a kihawwaasdee, taba a isꞌdoonno.