Yoohana 15:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ “Waha la a atin isoocheeke, ꞌdee atin laka hamaadi an khabo khabtaane, toro la hamaadiin walah kaankhati mele.

Yoohana 15:11 Referans Kwoze

Rooma 15:13

Waakkhi khajjeel leh ba, kakhuufnaanki atin usu kakhuuftaan ka, hamaad tuumman ichoow nebey ba atin kahida, ꞌdee miigti Rubeyti Munyee atin siisso ka, khajjeeliin weyti buuraata.

Yoohana 17:13

“Anna inti at kajirto amiit. Iꞌdaasenyi waha geeddi an harrata kajiro adeehe, ꞌdee saggi an ihamaado, icho laka hamaad rubeyohicho goya buuhicha.

Yoohana 16:24

Atin ichoowka uliba walah atin jeenteti atin keey itahiin u daahteen mele. Waakh wihi atin ꞌdoontaan daaha a ꞌhessaane, ꞌdee hamaadiin la ki buuho iche yateeh.

1 Yoohana 1:4

Wahane atin isoochiirra, ꞌdee hamaadeenyo tuum kayeella.

1 Beetero 1:8

Atin usu injire ma argine, eheetteey laka, usu a ꞌdoontaan. Atin usu toolla ma agartaane, eheetteey laka, usu a rummeysattaane toro la hamaadi etoo cheekin iubaaꞌdane toro weyti buurenye khabtaan,

2 Yoohana 1:12

Wihi noole an atin isoochiirin ꞌdoono a khaba, iꞌdaasenyi khadaab ichoow ringi kasoochiirin ma ꞌdoono. Anihi atin sooꞌdaaro iche khajjeela, afiin ꞌhela ꞌdee weyti isleehamaana.

Yoohana 16:33

Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”

2 Koriinto 1:24

Anki wihi atin kakhuuftaan ka ma atin dakhanni. Iꞌdaasenyi nah hile atin leehaagginna, ꞌdee atin laka hamaaddaan. A mehe kakhuufnaanki atin Waakh kakhuuftaan ka a chuukhantahiin.

1 'Dessaloonika 5:16

Kol dakkhan hamaada.

Luuka 15:32

Iꞌdaasenyi a imasse chiꞌinno sukuuku bihinno hamaano, a mehe walaalaahka goorat a iꞌdi eti yumuyye toolla la a jira, goorat a baabe toolla la a soonokhte.’ ”

Luuka 15:9

Chirri iche ꞌhesse la deyyehoti aalassichee ichoow ti ollokkichee tuumman wahta wihi iche itadeeh, ‘Kaaleya a isleehamaano, iꞌdi tahe an chilinkeeyki baabe a ꞌhele!’

Fiiliffi 1:25

An wahaase tissiba gone, wihi an gardi, an ma amuute, atin tuumman a atin leefiddiya ꞌdee hamaadiin ichoow kakhuufnaanki atin Waakh kakhuuftaan kakhayma.

Efeesso 5:18

Taba, farsoti sabiib ka meleefu iitaahana, a mehe jiroti uskeeli buurenye iꞌdaanu layeelo keenaan. Iꞌdaasenyi Rubeyti Munyee a atin buuhisso.

Yoohana 3:29

Mindischo ka, eti min disti iche iname makhaabassiis tahe. Aali eti min disti la, chirra us hooyi eti min disti daago, iche hamaada. Annaka jeentetaase weyti ihamaada.

Luuka 15:5

Chirri us ꞌhele ka weyti hamaada, naf adah sookorsata

Luuka 15:23

ꞌDee irda maari weyti ruusan sookhaata khala sukuuku a gello, a hamaano!