Yoohana 15:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Chaꞌatin amurreteey raahtaan ꞌdoonintaaya kafiddiitaan, saggi an amurre Aabbaheey iraahe an ꞌdoonintiis ikafiddiyuu.

Yoohana 15:10 Referans Kwoze

Yoohana 14:15

“Chirri atin iꞌdoontaan, amuri an atin siiche a raahtaan.

1 Yoohana 5:3

ꞌDooninti inno Waakh ꞌdoonno a iꞌda, amurretiissa raahna. Amurretiis la hulees mele.

1 Yoohana 2:5

Iꞌdaasenyi eti tuummane Yeedi Waakh raaho, ꞌdooninti Waakh rumanka tuume goytiis kijirta. Saggane saggi inno ichoow Waakh ba wohoo kalday inahe igaranna.

2 Beetero 2:21

Ichohi goorat jiti fissan iabanne deefta ichohi abte toro amurreti Waakhe munyeenye lasiiche bujo ka.

Yoohana 8:29

Ki isooerge la ma ikatabine, a ileejira, iꞌdi tahe an kol tuumman wihi usu kahamaadicho on yeela.”

Yoohana 4:34

Yeesso la wihi us iyidah, “Wihi uur iꞌdoono iꞌdi gololeeye a mehe ya, a anihi wihi Waakkhi isooerge ꞌdoono yeelo, toro la hili goorat us dahanteey soogesse massicho.

1 'Dessaloonika 4:1

ꞌDooꞌd Kiriistokaaw ayti ꞌdaꞌddaboot, saggi atin jiroti Waakh kahamaadisso ijirtaan a atin abinne. Rumanka la iꞌdaas on yeessaan. Toolla la nahi nah ichoow atin ba Yeessohi Kamureene wohoo kalday nahe a atin hawwaassana, taba waha kakhakkhaya yeela.

Yoohana 17:4

Hili goorat at dahanoheey soogelisse an massiche ka, harrata ka an a kiweynaache.

Yoohana 14:31

iꞌdaasenyi ꞌdooꞌdi harrata saggi an Aabbaheey iꞌdoono an amur Aabbaheey iraaho a abta. “Kaaleya inta a katabno.”

Yoohana 12:49

A mehe an antoheey ma kaayyeedin. Iꞌdaasenyi Aabbaheeyki isooerge iche amur ibahche, wihi an adeeh ichoow saggi an iadeeh isiiche.

Bakkaahit 22:14

ꞌDooꞌdi Waakh imaalo, a ki kabuuꞌddeticho dikho ꞌdee gurnaanki geeyi jiro lakaꞌhelo ohom muꞌdane, toro la arto tabo ilkerengeetti ween gelo.

Yoohana 14:21

Eti iꞌdoono, a ki amurreteey khabti, toro raaho. Eti iꞌdoono la, Aabbaheey laka usú a ꞌdoona, ani laka usu a ꞌdoona, toro la eti an ahe la a tusa.”

1 Koriinto 7:19

Anki Waakh ka, khandi ommos khandiwaayyo a walahba. Wihi khumman a atihi amurreti Waakh raahto.

Ibiraaniya 7:26

Yeesso a kuhaaniheenki weyti weene, sagag tuumman ka inno gargaaro. Iꞌdi tahe usu a munya, eloo rucchul laka ma khabo, biꞌdiroo rucchul laka ma khabo. Waakh usu ꞌdooꞌdi uskeel leh goyaka a soobahche, goobi Waakh ka walah tuumman ꞌdirihicho weynaache.

Yoohana 8:55

Atin injire usu ma garanne, anna usu a garda. Chirri ani, ‘An usu ma gardi,’ an atin iidah, annaka iꞌdiin u eti been lehe ateeh. Iꞌdaasenyi an usu a garda, yeediis la a raaha.

Yoohana 10:18

Et jiroteey ikabahcho mele, iꞌdaasenyi ani on iꞌdaanu bahcha. Antohi an jiroteey kabahcho a khaba, toro antohi an isikasoolaabo a khaba. Amura Aabbahaaya kaꞌhele.”

Yoohana 14:23

Yeesso la wihi us ilaabe, “Eti tuummane iꞌdoono, wihi an abcho a raaha. Aabbaheey usu a ꞌdoona. Aabbaheey ichoow ani usu a inamiite fureenyo goytiis kayeelanna.

1 Yoohana 2:3

Chirri inno amurretiis raahno, saggi inno rumanka eti Waakh yahe iabanne a garanna.

1 Yoohana 2:6

Eti tuummane Waakh goytiissa kijira essi, jiroti Yeesso jire iche jira.